Reshjet e borës gjatë 24 orëve të fundit kanë lënë në errësirë 10 fshatra në rrethin e Skraparit ndërsa riparimi i tyre është i pamundur pasi rrugët janë totalisht të bllokuara. Bora ka zbritur edhe në zonat kodrinore rreth Tomorit, kjo është e dukshme dhe nga qyteti i Poliçanit. Sipas burimeve të OSHE-së fshatrat më problematikë janë fshatrat e komunave në zonat e thella të rrethit të Skraparit.
Fshatrat në ish-komunën Gjerbsit në ish-Komunën Qendër Leshnje Zhep, Potom etj, por dhe aksi kryesor i cili lidh fshatrat me qendrën e bashkisë Skrapar e quajtur Qafa e Dëvrisë. Një pjesë e rrugëve janë të kalueshme si rruga Kanioneve apo rruga për në komunën Çepan të cilat janë edhe të kriposura ndërsa shumë e vështirë është për fshatrat në zonat e thella ku është e pamundur ndërhyrja me mjetet e pastrimit.
Gjithsesi sipas burimeve nga punonjës OSHE që ndodhen në terren është tepër e vështirë të kryen punimet për riparime në zonat e thella ku bora kalon 60cm. Gjithsesi ekipi është në terren për të riparuar defektet në fshatrat të cilat për më shumë se dy ditë janë pa energji. Nuk dihet situata e banorëve në zonat e thella pasi dhe komunikimi me telefon është i pamundur në këto fshatra të cilat kanë më shumë se 48 orë pa energji.
![](https://shqiptarja.com/template/img/NO_ALFA_Kuadrate shqiptarja.png)
Po kështu edhe në disa akse të rrethit të Beratit raportohet për prezencë ngricash në rrugë si në aksin rrugor Lybesh -Berat por edhe Karkanjoz -Berat ku automjetet kanë të vështirë kalimin.Rreshjet kanë sjell problematika dhe në aksin nacional Berat -Poliçan si dhe Bogovë -Skrapar ku shpesh ka prani të gurëve dhe bllokim rrugëve ku duhet të tregohet kujdes në qarkullim.
Ndërkohë, për shkak të reshjeve të dëborës është bllokuar edhe rruga Nivicë - Salari në Tepelenë.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Por cfare fiton oshee-ja te rregulloj dritat ne fshatrat skrapaleshe, fshataret kane ikur te gjithe, jane bere "qytetar"ne Tirane,Vlore,Fier e gjetke. Per cfare ti rregullojne dritat, te bredhin ujqerit?
Përgjigju