Moti i keq/ Ministrja e Bujqësisë: Hidrovoret në funksion të plotë, po punohet për mbajtjen e niveleve normale të ujit

 

Foto ilustruese

Teksa reshjet intensive vijojnë në të gjithë vendin, Ministrja e Bujqësisë dhe Zhvillimit Rural, Frida Krifca thotë se deri më tani nuk janë krijuar probleme. Sipas ministres, t gjithë hidrovoret janë në funksion të plotë dhe se nivelet e lumenjve nuk përbëjnë shqetësim për dalje nga shtrati apo përmbytje.

“Të gjithë hidrovoret janë në funksion të plotë dhe po punohet për mbajtjen e niveleve normale të ujit, megjithëse kemi rritje të prurjeve të ujit në kolektorët kryesor, që përcjellin ujin tek hidrovoret. Nivelet e lumenjve nuk përbëjnë shqetësim për dalje nga shtrati apo përmbytje”, thotë Krifca.

LEXO EDHE:
VIDEO/ Rikthehen reshjet e dëborës në vend, zbardhet Dibra dhe Thethi

Ministrja bën me dije se stafet teknike të Drejtorive të Ujitjes dhe Kullimit janë në terren dhe po monitorojnë nga afër situatën, kryesisht për të ndërhyrë me ekskavator në rast të bllokimit nga papastërtitë e kanaleve kulluese, si dhe po vlerësohen në mënyrë dinamike nivelet e lumenjve.

Lajmi kryesor:

Reshje të dendura shiu, në Durrës përmbyten rrugët e qytetit! Disa fshatra pa energji elektrike në Lezhë dhe Elbasan! 150 hektarë tokë bujqësore në Shkodër nën ujë

TAG:
• reshje shiu
• moti i keq
• Përmbyjte