POP 5

Lajmet më të lexuara të 5 minutave të fundit

Sociale

Moti i keq përmbyti dy fshtarat në Maliq, kthehen në Gërmadhë! Nën ujë disa banesa, dëme të mëdha në bujqësi e blegtori

Disa shtëpi janë përmbytur në Zemblak të Maliqit pas shiut të dendur të ditës së djeshme dhe vërshimit të përrenjve malorë. Me dhjetëra ton inerte janë sot në rrugët e shkatërruara të fshatit! Janë përmbytur varrezat, ujësjellësi, të mbjellat në ara dhe stallat e bagëtive. Banorët kërkojnë ndihmë dhe kompensim për demet e shumta.

Rrugë të shkatërruara, varrezat e përmbytura, ujësjellësi jashtë funksionit dhe pirgje të mëdha me interte është gjithçka ka mbetur në fshatin Zemblak të Maliqit.

Një natë pas reshjeve të dendura të shiut dhe vërshimit të përrenjve malore, banorët po përpiqen të pastrojnë baltën e gurët.  Në fshatin me 1600 banorë ka dëme të mëdha në orendi shtëpiake, ushqimin i bagëtive dhe të mbjellat në ara.

“Më ngordhën pulat dhe dy shqerra u mbytën në ujë. Prurjet e mëdha nga përrenj dolën në fushë. Me qepë me fasule çdo gjë në ara është prishur. Deri në 01:00 pas mesnate kemi ndenjur jashtë. Jemi përpjekur të shpëtojmë plaçkat e shtëpisë, por sërish nuk arritëm. Kemi shumë dëme në shtëpi, në oborre, është shkatërruar çdo gjë”, thanë banorët të shqetësuar.

Banorët thonë se fajtore është Bashkia dhe Pyjorja pasi nuk bënë pritat malore për përrenjtë si dhe nuk kanë pastruar kanalet kulluese.

“Po të ishin pritat në male nuk do ishte bërë kjo përmbytje”

Ndërsa kryebashkiaku Gëzim Topçiu e mohon, sipas tij përmbytja erdhi vetëm nga shiu.

“Pritat malore janë në funksion, por reshjet ishin shumë të mëdha”, u shpreh ai.

Grupet e punës janë në terren për evidentimin e dëmeve, ndërsa për kompensimin e tyre Topçiu kërkon ndihmën e Emergjencave Civile, pranë Ministrisë së Mbrojtjes.

“Janë shkatërruar rrugë, kanale, është futur ujë në disa banesa, por fatmirësisht nuk kemi njerez të lënduar. Kanë rënë shumë interte në rrugë, ne kërkojmë ndihmë sepse bashkia nuk ka buxhet të mjaftueshëm për emergjenca”, tha Topçiu.

Vështirësi më të shumta janë në fshatin Zëmblak, ndërsa dëme të lehta janë shënuar në fshatra të tjerë të Maliqit si Shamolli, Kuçi e Belorta.

G.MO/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aleks: 17/06/2023 09:15

    Sa krahu tani se kur e votuat per here te 7 ju pelqeu…… Shkoni lutuni ne xhami qe ti shtohet jeta Kryetarit te Bashkise se ndoshta mandatin e 20 ju regullon pritat ne Morave. Per sa i perket buxhetit ai eshte vetem per zgjedhje, tani merreni me leng se mishi mbaroi . Futini Geskes ndonje femer si Safet Gjicit qe te shporet se kane filluar ti pelqejne edhe atij ,

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Eduard Zaloshnja: Rama synon 1 milion vota gjithësej dhe 84 mandate për PS-në, por…

Eduard Zaloshnja: Rama synon 1 milion vota gjithësej dhe 84 mandate për PS-në, por…

10 Janar, 09:40 nga Eduard Zaloshnja