Moti i keq që ka përfshirë vendin ka shkaktuar defekte dhe avari në rrjetin elektrik duke lënë disa zona pa energji elektrike. Zonat më të prekura nga defektet janë periferia e Tiranës, Lezha dhe Burreli.
Gjatë punës kanë mbetur të plagosur dy elektricistë të OSSH Shkodër. Teksa punon në pika të ndryshme për riparimin e defektit, njëri në Tarabosh dhe tjetri në Balldren, ata kanë pësuar lëndime gjatë punës.
Dy elektricistët kanë marrë lëndime në këmbë dhe kokë dhe fatmirësisht ndodhen jashtë rrezikut për jetën.
![](https://shqiptarja.com/template/img/NO_ALFA_Kuadrate shqiptarja.png)
Në terren janë angazhuar rreth 1600 punonjës prej mbrëmjes së djeshme, duke punuar për riparimin e rrjetit elektrik. Deri tani janë riparuar 80 % e avarive në linjat elektrike në vend, ndërsa rrjeti që furnizon spitalet dhe hidrovoret janë që të gjithë në gjendje pune.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)