MotoGP: Lorenzo fiton garën,
del i pari në pistën e Le Mans

Jorge Lorenzo e ka fituar garën për Cmimin e Madh të Francës, e cila u mbajt të dielën në pistën e Le Mansit. Piloti spanjoll udhëhoqi në shumicën prej 28 xhirove, duke e lënë prapa bashkëkombësin e tij, Dani Pedrosa, i cili e filloi garën nga ‘pole-position’.

Piloti i Yamaha Factory e mbylli garën i pari duke ndalur kropnometrin në kohën 49 minuta, 39 sekonda e 743 të qindtat, përpara italianit të Ducatit, Valentino Rossi, i cili ishte për 9 sekonda prapa. Ndërkaq, Vendi i tretë i takoi australianit të Hondas, Casey Stoner, që ishte prapa me 11 sekonda.

Spanjolli Pedrosa u desh të kënaqej me vendine katërt, kurse në pesëshen e parë u fut edhe gjermani Stefan Bradl.
Gara e Francës:
1. Jorge Lorenzo 49:39.743
2. Valentino Rossi +09.905
3. Casey Stoner +11.298
4. Dani Pedrosa +29.361
5. Stefan Bradl +32.477

Renditja e pilotëve
1. Jorge Lorenzo 90 pikë
2. Casey Stoner 82
3. Dani Pedrosa 65
4. Cal Crutchlow 45
5. Andrea Dovizioso 44
(rb/shqiptarja.com)