POP 5

Lajmet më të lexuara të 5 minutave të fundit

Bota

Mozambiku në kaos pas protestave, 33 të vdekur nga revolta në burg dhe mbi 1500 të arratisur

Mozambiku po përjeton trazira të mëdha politike. Kryengritja e fundit ndodhi në burg, ka dhe 15 të plagosur. Që nga nisja e protestave numërohen 130 të vrarë

Mozambiku në kaos pas protestave, 33 të vdekur nga revolta në burg dhe mbi 1500 të arratisur

Pamje nga Mozambiku në kaos

Një trazirë që shpërtheu ditën e Krishtlindjeve në një burg në kryeqytetin e Mozambikut, Maputo, rezultoi në vdekjen e 33 personave, plagosjes së 15 dhe arratisjes së 1500 të burgosurve.

Rreth 1,534 njerëz u arratisën nga burgu gjatë kryengritjes, por 150 prej tyre tani janë rikapur, tha shefi i policisë së vendit, Bernardino Rafael.

Mozambiku po përjeton trazira të mëdha politike dhe autoritetet dje thanë se të paktën 21 persona ishin vrarë në një ditë të protestave antiqeveritare në vend, pasi Këshilli Kushtetues ratifikoi fitoren e partisë Frelimo më 9 Tetor- e cila ka qenë në pushtet që nga pavarësia e vendit afrikan nga Portugalia, në vitin 1975.

Vendimi i Këshillit Kushtetues ndezi një valë të re protestash nga mbështetësit e opozitës, të cilët pretendojnë mashtrime zgjedhore. Në këtë klimë, autoritetet kanë marrë masa drastike sigurie në të gjithë vendin, shkruajnë mediat.

Shefi i policisë fajësoi për trazirat e burgut protestuesit që ishin mbledhur jashtë burgut.

Megjithatë, Ministrja e Drejtësisë Helena Kinda tha për rrjetin televiziv privat lokal Miramar TV, se trazirat nisën brenda burgut dhe nuk kishin të bënin me protestat jashtë tij.

“Përplasjet që pasuan rezultuan me 33 të vdekur dhe 15 të plagosur brenda ambienteve të burgut”, theksoi ajo në një konferencë për shtyp.

Dy muaj pasi shpërthyen trazirat antiqeveritare në vend, të paktën 130 njerëz janë vrarë, shumica prej tyre protestues, sipas OJQ-së Mozambike Plataforma Decide.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57