Layla Richards është i pari person në botë që ka përfituar nga një teknikë e re e editimi të gjeneve, e zhvilluar nga spitali "Great Ormond Street", e cila manipulon qelizat imune për të luftuar qelizat kancerogjene. Fillimisht kjo terapi është testuar tek minjtë. Ndërkohë, kjo mënyrë revolucionare kurimi pritet të zgjojë shpresat te mijëra familje.
Nëna e vajzës, Lisa Fole tha se ajo refuzoi që të dorëzohet dhe tentoi gjithçka për të shpëtuar jetën e të bijës. Layla ishte vetëm 14 javëshe kur u diagnostikua me leucemi akute limfoblastike, që është forma më e zakonshme e leucemisë tek fëmijët. 27-vjeçarja shprehet, se mjekët kishin thënë se sëmundja e saj ishte në formën më agresive që kishin parë ndonjëherë. Ajo iu nënshtrua kimioterapisë dhe një transplantit të palcës së kockave. Por disa javë më vonë, kanceri u rikthye.
![](https://www.shqiptarja.com/template/img/sh_logo1.png)