POP 5

Lajmet më të lexuara të 5 minutave të fundit

Shëndeti

MSH: Check-up i kursen
Shqipërisë 125 mln $ në 10 vjet

125 milonë dollarë do të kursejë shoqëria shqiptare, nga programi falas i kontrollit bazë në moshën 40-65 vjeç në 10 vitet e ardhshne, si dhe do të parandalohen 450 vdekje. Ky është përfundimi i dalë nga Ministria e Shëndetësisë, bazuar në praktikat ndërkombëtare.
​Zbulimi i hershëm i sëmundjeve, përveç se shpëton jetë, sjell edhe përfitim ekonomik për shoqërinë, sepse kursen shpenzimet e ardhshme për ofrimin e kujdesit shëndetësor. Në këtë përfundim ka dalë Ministria e Shëndetësisë, duke marrë si referencë praktikat ndërkombëtare.

Në një njoftim për shtyp, MSH ka bërë një llogari të kursimeve që do përfitohen nga programi i kontrollit falas 40-65 vjeç, e cila për 10 vjet do të kursejë 125 milionë dollarë si dhe do të parandalojë 450 vdekje.

“Bazuar në të dhëna që vijnë nga përvoja botërore, p.sh., nga analiza e kosto-përfitimeve të NHS (National Health Service - Shërbimi Kombëtar i Kujdesit shëndetësor në Angli), të vendosura në kontekstin shqiptar, me kurs këmbimi PPP (Purchasing Power Parity), rezulton se, me Programin e Kontrollit Bazë Pa Pagesë 40-65 vjeç, do të arrihet të kursehen kosto për shpenzime shëndetësore rreth 125 milionë dollarë në 10 vjet, si dhe do të parandalohen 450 vdekjeve të parakohshme,” thuhet në njoftimin e MSH-së.

"Kostoja totale e programit pritet të jetë 64 milionë dollarë në 10 vjet dhe jo 120 milionë euro, siç është pretenduar nga zëra publikë", sqaron Ministria e Shëndetësisë. Ndërsa përfitimet totale nga programi pritet të jenë 189 milionë dollarë. Pra, kursimi neto pritet të jetë 125 milionë dollarë në 10 vjet 

Pas fillimit më 1 prill 2015, dhe një periudhe konsolidimi dy-mujore, në periudhën qershor–dhjetor 2015, kontrollin e kanë bërë 210 mijë vetë (mesatarisht 30 mijë në muaj). Në vitet në vazhdim, pritet që kontrollet t’i kryejnë mbi 43 mijë persona në muaj.

Të dhënat e deritanishme tregojnë se 18% e personave që kanë bërë kontroll vuajnë nga tensioni i lartë arterial pa e ditur këtë gjë. Ndërkohë rreth 4% e pacientëve që ishin me diabet, nuk e dinin se e kishin këtë sëmundje.

Redaksia Online
(u.s/shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lushnja fiton 0-1 dhe zhyt Erzenin në fund, renditja në Kategorinë e Parë

Lushnja fiton 0-1 dhe zhyt Erzenin në fund, renditja në Kategorinë e Parë

12 Janar, 16:36