POP 5

Lajmet më të lexuara të 5 minutave të fundit

Sport

Një marrëveshje që u mundëson vazhdimin e ëndrrës! Vajzat afgane, futbolliste në vendin tonë: Shqipëria u bë familja jonë

Një marrëveshje me federatën afgane të futbollit, do t’u mundësojë vajzave afgane që ta vazhdojnë karrierën futbollistike në Shqipëri. Ato thonë se lufta u ka marrë gjithccka, por në Shqipëri kanë gjetur dëshirën për të jetuar.

Lufta i detyroi ashtu si shumë qytetarë të tjerë vajzat e kombëtares së Afganistanit në futboll të largoheshin nga vendi i tyre. Shumë prej tyre, prej 9 muajsh gjenden në Shqipëri dhe tani përveçse jetesës në kushte normale u është ofruar edhe mundësia për të vazhduar karrierën futbollistike.

“Në Afganistan humba gjithçka. Humba familjen time, humba shkollën dhe humba futbollin, por tani besoj se shqiptarët janë familja ime. I falenderoj shumë për këtë mundësi që po na jepet,”-deklaroi Fatima Rezayi, futbolliste afgane.

Bërja e vajzave afgane pjesë e skuadrave tona, për zyrtarin e federatës Muhamed Shahab, është një ngjarje mjaft e rëndësishme.

“Është e vështirë të mos jesh në shtëpi, por këtu në Shqipëri jemi ndjerë si të ishim në Afganistan. Falenderojmë gjithashtu qeverinë shqiptare që na ka mundësuar të gjitha kushtet për popullin afgan që ndodhen këtu. Tani me futbollin është mundësi e re për vajzat dhe nuk e di se kush mund të jetë falenderimi për këtë,”-tha Fazil Mohammad Shahab, sekretar i federatës afgane.

Vajzat afgane të kombëtares së futbollit gjatë kësaj kohe kanë patur mundësi të ndjekin disa ndeshje në stadium, ndërsa janë organizuar edhe lojëra miqësore me futbollistet shqiptare.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

E rëndë në Fier/ Gruaja bie nga kati i shtatë, ndërron jetë

E rëndë në Fier/ Gruaja bie nga kati i shtatë, ndërron jetë

26 Nëntor, 13:06