POP 5

Lajmet më të lexuara të 5 minutave të fundit

Bota

Mundësia për të dërguar trupa ushtarake në Ukrainë, Macron-vendeve të NATO-s: Nuk është koha për t’u treguar frikacakë

Presidenti i Francës, Emanuel Macron u shpreh sot gjatë një vizite në Pragë se është koha që vendet aleate të rrisin mbështetjen e tyre ndaj Ukrainës. Macron tha se në këtë moment vendet aleate në NATO nuk duhet të kenë frikë për të qëndruar përballë Rusisë.

Mundësia për të dërguar trupa ushtarake në Ukrainë, Macron-vendeve të NATO-s: Nuk është koha për t’u treguar frikacakë

Presidenti francez, Emanuel Macron

ÇEKI- Presidenti i Francës, Emanuel Macron u shpreh sot gjatë një vizite në Pragë se është koha që vendet aleate të rrisin mbështetjen e tyre ndaj Ukrainës. Macron tha se në këtë moment vendet aleate në NATO nuk duhet të kenë frikë për të qëndruar përballë Rusisë.

“Po afrohet një moment në Evropën tonë ku do të ishte e përshtatshme të mos jesh frikacak"- tha Macron.

Presidenti francez është përballur me një reagim të ashpër nga shumë aleatë perëndimorë pasi ai diskutoi idenë e dërgimit të trupave perëndimore në Ukrainë në një konferencë me bazë në Paris për Ukrainën më 26 shkurt.

Por gjatë një vizite në Pragë të martën, Macron tha se ai u qëndronte komenteve të tij dhe se një "hap strategjik" ishte i nevojshëm.

Duke iu referuar pushtimit rus të Ukrainës, Macron tha se Franca dhe Republika Çeke janë të vetëdijshme se kërcënimi i luftës është rikthyer në Evropë.

"Jemi të vetëdijshëm se lufta është kthyer në tokën tonë (në Evropë), se disa fuqi që janë bërë të pandalshme po zgjerojnë çdo ditë kërcënimin e tyre për të na sulmuar. Ne do të duhet të jetojmë sipas historisë dhe guximit që ajo kërkon."- shtoi presidenti francez.

Zyrtarët francezë më vonë shpjeguan se qëllimi i Macron ishte të nxiste debatin dhe se idetë në diskutim përfshinin trupa jo luftarake në role të tilla si çminimi, mbrojtja e kufirit ose trajnimi i forcave ukrainase.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Qeveria rishpall tenderin 400 mln euro të Portit të ri Tregtar të Durrësit në Porto Romano

Qeveria rishpall tenderin 400 mln euro të Portit të ri Tregtar të Durrësit në Porto Romano

24 Dhjetor, 19:43