POP 5

Lajmet më të lexuara të 5 minutave të fundit

Kronikë

Mungesa e mbikalimeve "bllokon" rrugët e Lezhës, shefi i Qarkullimit Rrugor, Altin Mena: Rrugët pa standarde, shkak i trafikut të rënduar

Sezoni turistik ka sjellë trafik të rënduar në rrugët e qarkut të Lezhës. Për shkak të mungesës së standardeve, edhe këtë verë drejtuesve të mjeteve u duhet të presin me orë të tëra në radhë. Shefi i Qarkullimit Rrugor, Altin Mena u bën thirrje të tregohen të kujdesshëm dhe të respektojnë sinjalistikën rrugore

Mungesa e duhur e infrastrukturës rrugore dhe e mbikalimeve është kthyer në një shqetësim serioz për qarkullimin dhe përdoruesit e rrugës në qarkun e Lezhës.

Segmentet më problematike janë superstrada nga Miloti në Balldre dhe rruga e Shëngjinit ku për shkak të trafikut të rënduar edhe këtë sezon veror lëvizja në është kthyer në një makth duke sjell shpesh herë bllokim total të qarkullimit të mjeteve.

Shefi i Qarkullimit Rrugor Altin Mena nuk e mohon situatën por thotë se janë marrë të gjitha masat për të përballuar fluksin gjatë sezonit veror.

 “Policia rrugore i ka të gjitha kapacitetet qoftë njerëzore dhe teknike për të përballuar një fluks të tillë dhe po bën maksimumin e saj.  Nuk besoj se ky trafik i rënduar është për shkak të burimeve njerëzore apo teknike, por  për shkak të mungesës së infrastrukturës rrugore në  veçanti”.- tha Altin Mena, shef i Qarkullimit Rrugor Lezhë.

Mena i bën një apel drejtuesve të automjeteve të respektojnë normat e sinjalistikës rrugorë në të kundërt do ndëshkohen keq

 “Mesazhi që policia rrugore ka për të gjithë drejtuesit e automjeteve apo përdoruesit e rrugës është që të respektojnë normat e sjelljes. Veçanarisht, ata drejtues mjetesh që përdorin pije alkoolike, apo bëjnë parakalime të gabuara duhet të bëjnë kujdes pasi do ndëshkohen sipas ligjit në fuqi”.- tha Mena.

Për të përballuar trafikun i rënduar policia ka shtuar prezencën e saj në akset rrugore  Qarkut të Lezhës ndërsa kjo situatë është kthyer në një refren të përvitshëm.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56