Prej tre javësh pa ujë/ Banorët në Orman e Rembec bllokojnë rrugën, kryebashkiaku: Duhet të ndërhyjë qeveria (VIDEO)

MALIQ- Ditën e sotme banorët e fshatit Orman dhe Rembec në Korçë kanë dalë në protestë për ujin e pijshëm që mungon prej vitesh. Banorët kanë bllokuar rrugën kryesore të fshatit duke ndaluar qarkullimin e mjeteve.  Këto dy fshatra kanë afërsisht 5000 banorë dhe kanë thënë se do të bllokojnë edhe rrugën nacionale madje edhe shkollën.

Banorët e fshatrave, Orman dhe Rrembec vuajnë mungesën e ujit të pijshëm prej dekadash. Report Tv vetëm pak ditë më parë solli këtë problematikë të banorëve në bashkinë e Maliqit. Problemi i ujit e ka shoqëruar prej kohësh këtë fshat, por gjatë muajve të verës situata është bërë më alarmante. 
Në lidhje me këtë situatë të ka reaguar edhe kryetari i bashkisë së Maliqit duke thënë se fshati Orman ka prej më shumë se tre javësh që nuk furnizohet me ujë të pijshëm. Kryebashkiaku Gëzim Topçiu ka deklaruar se bashkia është në dijeni të këtij problemi dhe mbështet ankesat e qytetarëve por investimi është shumë i kushtueshëm dhe duhet ndërhyrje nga qeveria pasi vetë fondet e bashkisë nuk janë të mjaftueshme. Topçiu ka thënë se ky investim kap një shumë prej 200 milion lekësh dhe është e papërballueshme.

"Tani 20 vite se them dot... por kohët e fundit ka patur një mungesë me furnizimin me ujë pothuajse në të gjithë bashkinë, kjo ka ardhur si pasojë e kushteve atmosferike dhe thatësirës së tej zgjatur. në fund banorët kanë të drejtë dhe jam me ta për ata që ndodh. Në orman është më vështirë. Aty ka gati dy tre javë që mungon uji pothuajse plotësisht. Mund të ketë uji 1 or 2 or. Lidhje të paligjshme ka patur nuk mund të marr përsipër ca ka ndodhur por marr përsipër për ti furnizuar  me ujë ata. ndaj shqetësimi është i drejtë me vend.  Ne kemi gati një vit që po punojmë për një projekt rajonal në Pojan, projekti është dorëzuar janë bërë vërejtjet dhe është i rëndësishëm, presim një përgjigje. Besoj se do të financohet shumë shpejtë. Kemi ndryshuar pompën në pusin e Shën Gjergjit për Ormanin por nuk dha ndonjë zgjidhje, Por edhe rruga tjetër që furnizon fshatin tjetër është me internite që është e palejueshme për shëndetin. Është një investim 200 milion lekë që duhet ti investojë qeveria. Ndaj nuk e financojmë dot dhe këtë." tha Topçiu. 

Banorët tregojnë se në çezmat e tyre nuk rrjedh asnjë pikë uji, veç 10 minuta në mëngjes. Përveçse i pamjaftueshëm, sipas tyre ai është i ndotur me papastërti dhe krimba, rrjedhimisht dhe i papërdorshëm.

"Ne do bllokojmë shkolla. do dalim ne rrugën nacionale nuk do lejojmë asgjë. I lutem qeverisë e bashkisë që të na e zgjidhi këtë problem. Mos të vazhdojë të sjelli popullin kështu. Ka 20 vjet pa ujë. " ka thënë një banor

"Banor i ormanit: Vjen PD nuk investon per ne edhe PS thote pse te insvestojme ketu.  Kemi mbetur si peshku ne të thatë. Të na jepet një zgjidhje se do bllokojmë shkollën. Jam 65 vjet që un nuk kam parë që të vij uji. Po pati ujë ja...Nuk kam parë ujë. " ka thënë një banor i fshatit Orman.

"Turp i zotit, shikoje tani vijnë njerëzit dhe shkojnë mbushin ujë në vende të tjera. " ka deklaruar një tjetër.

/r.k./Shqiptarja.com

TAG:
• Korce
• uji i pijshëm
• uji i ndotur
• orman
• mungese uji