POP 5

Lajmet më të lexuara të 5 minutave të fundit

Politikë

Mungon prej 6 muajsh në Kuvend, Arben Ahmetajt i 'digjet' mandati, Ja kush pritet ta zërë vendin e tij në parlament (EMRI)

 PS nis sesionin e ri me ndryshime në grupin parlamentar.  Ish zv/kryeministri Arben Ahmetaj i vënë nën hetim për të paktën 4 vepra penale pritet të humbasë mandatin e deputetit të fituar në zgjedhjet e 25 prillit 2021.

Kthimi në parlament, socialistët pritet t’i gjejë me ndryshime në grupin parlamentar. I ndodhur në arrati dhe në kërkim ndërkombëtar, ish zv kryeministrit Arben Ahmetaj rrezikon t’i përfundojë mandati më 6 janar.

Pavarësisht se i zhveshur nga imuniteti, Arben Ahmetaj nuk mori asnjë vendim për të hequr dorë vullnetarisht nga mandati dhe as kolegët e tij në grupin e PS nuk morën asnjë vendim për ta përjashtuar nga grupi. Por 6 muaj nga largimi i tij, Kushtetuta detyron ndërprerjen e mandatit e deputetit për ish zv kryeministrin.

Sipas Kushtetutës, konkretisht nenit 71, pika 2, germa d, mandati i deputetit mbaron ose është i pavlefshëm kur mungon 6 muaj rresht në Kuvend. Hera e fundit që Ahmetaj është shfaqur në Kuvend është seanca e 6 korrikut, vetëm 7 ditë para se të votohej po në Kuvend dhënia e autorizimit për arrestimin e tij.

Sipas përllogaritjeve, është 6 janari dita kur mbushen ekzaktësisht 6 muaj nga mungesa e Ahmetajt në Kuvend, çka do të sillte automatikisht humbjen e mandatit. Pasi të kthehen nga pushimet, Kuvendi do të duhet të konstatojë pavlefshmërinë e mandatit dhe të njoftojë KQZ-në me vakancën, ndërsa institucioni i zgjedhjeve të bëjë zëvendësimin sipas rezultateve të zgjedhjeve të 2021 në qarkun e Tiranës, aty ku Ahmetaj u zgjodh deputet me 11.287, duke u renditur në top listën e 5 më të votuarve të PS në këtë qark.

Sipas renditjes së kandidatëve të PS-së për Qarkun Tiranë, mandatin e Ahmetaj do duhet ta marrë Dallëndyshe Bici, e cila nga vota preferenciale fitoi 4977 vota dhe u rendit e 21-ta në listën e kandidatëve të PS për Tiranën. Burime të sigurta bëjnë të ditur për shqiptarja.com se Bici aktualisht drejtoreshë e Agjencisë Shtetërore të Kadastrës pritet të mos e pranojë mandatin, kështu automatikisht do i kalojë juristit Plarent Ndreca i cili ka siguruar në zgjedhjet e vitit 2021, 4008 vota në Tiranë

Mbi Arben Ahmetajn rëndojnë akuzat për korrupsion, pastrim parash dhe fshehje pasurie, në lidhje me skandalin e inceneratorëve. Më 20 korrik SPAK lëshoi urdhër arresti për të, ndërsa disa ditë më vonë u shpall në kërkim ndërkombëtar. 

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Sot protesta e opozitës/ Zbardhet ‘skenari’ dhe rrugët që do të bllokohen! Berisha i pranishëm për herë të parë, pas lirimit nga 'arresti shtëpiak'

Sot protesta e opozitës/ Zbardhet ‘skenari’ dhe rrugët që do të bllokohen! Berisha i pranishëm për herë të parë, pas lirimit nga 'arresti shtëpiak'

23 Dhjetor, 07:51