Mungon PS, dështon sërish komisioni hetimor për shëndetësinë

TIRANE- Për të dytën herë radhazi, Komisioni hetimor për koncesionet në Shëndetësi nuk u zhvillua. Shkak edhe kësaj here u bë mosparaqitja e anëtarëve të mazhorancës.

Kryetarja Albana Vokshi tha se bojkoti është një mënyrë për të bllokuar punën e komisionit, pasi Edi Rama nuk do që të funksionojë normalisht.

“Sot do diskutonim dhe miratonim dokumentet e përgatitur me ekspertët ligjorë, kërkesat për informacion tek institucionet por edhe tek koncesionarët për të pasur një pamje më të detajuar se çka ndodhur me koncesionet në shëndetësi, check-up dhe sterilizimi, në bindjen tonë, korruptivë.”, tha Vokshi.

Përballë kësaj situate, Vokshi u shpreh se do t’i dërgojë që sot kërkesat për informacion.

Përmes një shkrese zyrtare, Partia Socialiste e argumentoi bojkotin me faktin se sipas saj, “Komisioni Hetimor për Check-up nuk ka arsye të mblidhet deri në hartimin e planit hetimor”.

“Po tentoni të injektoni frymën e imponimit, paragjykimit e nxitimit për të realizuar një proces partiak politik e jo një proces të rregullt ligjor,” thuhet në letrën e anëtarëve socialistë të këtij Komisioni.

“Mbledhja e një komisioni hetimor që të konsiderohet e vlefshme kërkon prezencën e 50+1 e anëtarëve të komisionit. Si rrjedhojë Kryetarja përpara se të thërrasë një mbledhje duhet të sigurohet për prezencën e kourumit të kërkuar duke u koordinuar me të gjithë për datën, orën, vendin dhe rendin e ditës së mbledhjes pasardhëse”, thuhet në letër.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Rienergjizimi i PS-së/ Rama zhvillon takimin e dytë me të rinjtë e Akademisë Politike

Rienergjizimi i PS-së/ Rama zhvillon takimin e dytë me të rinjtë e Akademisë Politike