POP 5

Lajmet më të lexuara të 5 minutave të fundit

Sport

M.United shkëlqen pa Ronaldon, Chelsea fiton por mbetet shumë larg kreut! Sonte sfida me Leeds, City në ndjekje të Arsenal

Manchester United në ndeshjen e parë pa Cristiano Ronaldon në Premier League ka fituar 3-0 kundër Notinhgam. Ashtu si ‘djajtë’ edhe Chelsea e ka nisur me fitore pas ndërprerjes për shkak të Botërorit. Sonte ndërkohë Manchester City ka mundësinë të rikthehet në vendin e dytë dhe të shkurtojë diferencën me Arsenalin kryesues në rast se ai del kundër Leeds.

Mancheshter United e ka rinisur me një fitore bindese Premier League pas ndërprerjes për shkak të Botërorit. ‘Djajtë e kuq’, që për herë të parë të martën luajtën pa Cristiano Ronaldo-n në organikë, mposhtën 3-0 Nottinhgam në ‘Old Traford’.

Rashford zhbllokoi shifrat pas një skeme nga goditje e këndit, ndërsa shumë shpejt Martial dyfishoi, duke i dhënë një goditje të fortë miqve. Për të parë golin e tretë u desh të priteshin minutat e fundit me mesfushorin Fred, i cili vulosi 3 pikët. Për rrjedhojë Manchester United u ngjit në vendin e pestë pas 15 javësh kampionat.

Sakaq fitore të martën mori edhe Chelsea, që likuidoi me rezultatin 2-0 Bournmouth. Të dy golat e londinezëve u shënuan në pjesën e parë fillimisht me Kai Havertz dhe më pas Mount. Pavarësisht 3 pikëve Chelsea vijon të qëndrojë në vendin e tetë.

Ndërkohë sonte kampionët në fuqi të Manchester City-t do tentojnë fitoren në transfertën e Leeds. Ekipi i Guardiolës renditet i treti dhe ka 8 pikë më pak se Arsenali kryesues. Në rast se ia del diferenca do shkonte në 5 pasi City ka një ndeshje më pak.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit

'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit

22 Korrik, 22:13