Murinjo vazhdon që të habisë me deklaratat e tij, pasi edhe kur mendon se nuk ka më se cfarë të prodhojë, portugezi hedh shashkën e radhës në media. Kështu kur të gjithë po e lidhin të ardhmen e tij me Çelsin, portugezi deklaron se kërkon të qëndrojë në Madrid.

"Dëshira ime është ta vazhdoj të jem trajner i Realit, por nëse klubi vendos të kundërtën, nuk do të kërkoj shumën e parashikuar në klauzolë. Nuk kam asnjë problem me Casillas, thjesht më pëlqen më shumë Diego Lopez.

Për aq kohë sa të jem në krye të Realit, do të luajë gjithmonë Lopez”, tha tekniku portugez. Murinjo iu përgjigj edhe pyetjes për deklaratat e Pepe që doli në krah të Casillas. "Problemi i Pepes është Varane, pasi i ka zënë vendin e titullarit.

Nuk është e lehtë të kapërdihet që një 19 vjeçar të zërë vendin në formacion" përfundon Murinjo.


d.b/shqiptarja.com