Kështu u është drejtuar banoreve të fshatit kufitar të Muriqanit Ministri i Jashtëm Ditmir Bushati i cili u ka kërkuar votuesve të Anes së Malit që t’i vlerësojnë këto zgjedhje si një kthesë historike për Shkodrën, zhvillimin e saj veçanërisht Anës së Malit, e cila për shkak të mungesës së interesit nga politika është gjithnjë e ekspozuar si ndaj përmbytjeve ashtu dhe vështirësive të mëdha ekonomike të fermerëve.
“Në fund të ditës gjithsecili nga ju bëni llogaritë në tavolinën e bukës, teksa disa deputetë që ju i keni votuar kujtohen për këtë zonë vetëm kur kalojnë për të shkuar në Mal të Zi”, tha Bushati.
Ministri Bushati duke njohur problematikat e zonës dhe fermerëve shkodranë në përgjithësi ka premtuar që ekipi që ai drejton do të japë llogari nesër për punët e bëra mirë dhe pak më mirë, sepse modeli i Partisë Socialiste është ai i punës.
“Kundërshtarët kanë ofruar modelin e parazitizmit ndaj zgjedhësve, që i kanë nënvlerësuar sepse e kanë marrë të mirëqenë besnikërinë ndaj partisë dhe të ashtuquajturave bastione pa ua kthyer këtë besim me projekte, investime dhe zhvillim”, është shprehur Bushati.
Redaksia Online
Al.N/Shqiptarja.com
![](https://www.shqiptarja.com/template/img/sh_logo1.png)