POP 5

Lajmet më të lexuara të 5 minutave të fundit

Sociale

Murtaja Afrikane e Derrave në Shëngjin, del nga karantina pas 21 ditësh zona e Malit të Rrencit! Ministria: Nga 25 nëntori s'ka asnjë rast të ri

Ministria e Bujqësisë dhe Zhvillimit Rural njofton se prej datës 25 nëntor 2024 nuk është shënuar asnjë rast i ri i Murtajës Afrikane të Derrave në Njësinë Administrative Shëngjin, Lezhë.

Murtaja Afrikane e Derrave në Shëngjin, del nga karantina pas 21 ditësh zona e Malit të Rrencit! Ministria: Nga 25 nëntori s'ka asnjë rast të ri

Ministria e Bujqësisë dhe Zhvillimit Rural njofton se prej datës 25 nëntor 2024 nuk është shënuar asnjë rast i ri i Murtajës Afrikane të Derrave në Njësinë Administrative Shëngjin, Lezhë. Pas një periudhe karantine 21-ditore dhe masave të rrepta kontrolli, zona e Malit të Rrencit është shpallur e sigurt dhe del nga gjendja e izolimit.

Ministria e Bujqësisë njofton se gjatë karantinës, 5 grupe pune kontrolluan çdo ditë situatën në terren dhe 107 mjete transporti për lëvizjen e kafshëve. Po ashtu, u inspektuan 976 ferma me 1425 krerë derra.

Njoftimi i plotë i Ministrisë së Bujqësisë

Ministria e Bujqësisë dhe e Zhvillimit Rural në kuadër të programit të transparencës dhe komunikimit me publikun njofton se prej datës 25.11.2024, nuk ka patur asnjë rast të ri të shfaqjes dhe dyshimit për sëmundjen e Murtajës Afrikane të Derrave. Menjëherë pas marrjen e njoftimit që në Njësinë Administrative Shëngjin Lezhë, në fshatin Mal i Rrencit, në lartësinë e Kodrës së Zezë, në koordinatat gjatësi 41.82835 dhe gjërësi 19.57711, ku disa gjuetarë konstatuan derra të egër të ngordhur, nga DRVMB Shkodër, Qarku Lezhë u ngrit grupi i punës i cili ka vijuar me verifikimin e informacionit.

Shërbimi Veterinar ka reaguar në mënyrë të shpejtë duke nisur komunikimin me Shoqatën e Gjuetarëve dhe me arritjen në vëndngjarje, grupi i kontrollit ka kryer kampionimin e mostrave sipas procedurave teknike dhe mostrat u dërguan në ISUV. Gjithashtu, u krye procesi i groposjes së kadavrave dhe mbetjeve të tyre dhe dezinfektimi i mjedisit përrreth.

Për zbulimin e hershëm të kësaj sëmundjeje dhe kufizimin e saj Autoriteti Kombëtar i Veterinarisë dhe Mbrojtjes së Bimevë ka marrë masat për përcaktimin e zonave të mbrojtes dhe mbikqyrjes, të cilat bëjnë pjesë në rrezet 3 km dhe 10 km.

Drejtoria e Përgjithshme e Autoritetit Kombëtar të Veterinarisë dhe Mbrojtjes së Bimëve gjatë 21 ditëve të karantinës së këtyre zonave organizoi takime periodike me përfaqësues së Pushtetit Vendor, Shoqatën e Gjuetarëve, Agjensinë ë Zonave të Mbrojtura dhe Agjensinë e Mjedisit, për informim dhe koordinim rreth situatës.

Në këtë periudhë 5 grupe pune monitoruan cdo ditë situatën në terren duke kontrolluar 107 mjete të transportit të kafshëve për lëvizjen e kafshëve të gjalla në bashkëpunim me Policinë e Shtetit.

Janë monitoruar 976 ferma me 1425 krerë, nga të cilët u matrikulluan 493 krerë derra. Gjatë procesit të inventarizimit të fermave janë identifikuar 33 ferma të reja: me 121 krerë derra dhe 24 dosa.

Në zonën e mbrojtur (vatra, zona tampon), ka përfunduar inventatizimin e zonës që në datën 30.11.2024, por çdo ditë në vijim është bërë rikontroll i zonës, dhe shtrirje e tij për verifikimin e ngordhjeve të reja apo për derra me shenja klinike.Situata paraqitet e qëndrueshme dhe nga sot zona del nga gjendja e karantinës.

Pavarësisht, zgjidhjes së shpejtë dhe parandalimit efikas të rastit, Ministria e Bujqësisë dhe Zhvillimit Rural udhëzon fermerët në të gjithë vendin të marrin masa për zbatimin e biosigurisë në fermat dhe mjediset ku ata mbarështojnë derra, si dhe të kryejnë blerjen apo lëvizjen e derrave, vetëm pasi të jenë autorizuar nga Veterineri Zyrtar i Shërbimit me Certifikatën Veterinare të Lëvizjes së Kafshëve.

Ftojmë qytetarët për cdo rast dyshimi të raportojnë menjëherë pranë strukturave përkatëse. Bëjmë me dije se numri i gjelbër 08003366 dhe adresa e e-mail: [email protected] do të vijojnë t’u shërbejnë fermerëve dhe qytetarëve.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    14 Dhjetor, 13:13

    Berisha boton foton e gruas së Dumanit duke i rrezikuar jetën! Si e gjykoni?

Lajme të tjera



×

Lajmi i fundit

Vin Veli baba për herë të dytë! Zbulohet partnerja

Vin Veli baba për herë të dytë! Zbulohet partnerja

16 Dhjetor, 19:56