POP 5

Lajmet më të lexuara të 5 minutave të fundit

Kultura

‘Muzg’ në Opera, Eno Peçi shtron pyetje mbi identitetin përmes dancit bashkëkohor. Jehona e lahutës ndjell kujtimet, këpucët si simbolikë e rrugëtimit njerëzor

U mbajt këtë të diele në Opera premiera botërore e baletit të Eno Peçit, “Muzgu”. Një kërkim për identitetin dhe kujtimet erdhi në skenë përmes simbolikave e trupës së Teatrit.

Në gjysmerrësirën e jetës njerëzore, para se “Muzgu” të lejojë mbrëmjen të ngryset, Eno Peçi, rikthehet nga Vjena në Tiranë e kërkon një moment reflektimi, mbi identitetin, kujtimet, qenien tonë... Pyetjen mbi ndikimin e përjetimeve personale, të shkuarës, në vijimësinë e rrugëtimit njerëzor, ai zgjedh ta shtrojë përmes gjuhës së dancit bashkëkohor në skenën e “Operas”, për tri net radhazi, ku deri në 14 mars shfaq premierën botërore të baletit të mbështetur nga 'Harabel'. Muzika meditative në “Muzgun” e tij që jetësohet nga Trupa e Baletit të Operas, shoqërohet nga tingujt e lahutës, si një jehonë akustike, që pasi ndesh veshin e publikut, kërkon ta çojë atë diku larg në të kaluarën e tij...

Rekuizita e ndërtuar mbi simbolikën e kubave, këpucëve e pistës, ndihmojnë Peçin të krijojë fabulën... 50 kubat që koreografi vendos në skenë, përbëjnë kujtimet, ndërsa këpucët personifikojnë rrugëtimin e zgjedhur apo të imponuar nga rrethanat të çdokujt. Më tej një pistë, si për të rrëfyer ritmin e shpejtë të jetës...

Peçi kërkon të ngacmojë tek publiku vendas një moment kërkimi në brendinë shpirtërore. Përmes gjuhës së trupit, ai i jep alternativat, pa imponuar zgjedhje. A do të ndërtohet e ardhmja mbi kujtimet, përjetimet, të shkuarën, apo të gjitha këto do të lihen mënjanë, duke zbehur identitetin e pretenduar një rifillim të ri në vagëllimën e një agu të huaj?!

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53