POP 5

Lajmet më të lexuara të 5 minutave të fundit

Kultura

‘Këngët e atdheut tim’, mbrëmje gala me krijimtarinë e Lefter Çipës/ Irini Qirjako: E adhuroja, shënjoi karrierën time! E bija: Amaneti i tij, sot telefoni im i hapur

Report tv ndjek provat e fundit të koncertit “Këngët e atdheut tim”  me krijimtarinë e poetit të ndjerë Lefter Çipa. Irini Qirjako, Bashkim Alibali dhe e bija Parashqevia, rrëfejnë “princin” e polifonisë së Jugut në dimensionin artistik dhe atë human, me dëshirat e pengjet e tij.

Është “Këngët e Atdheut tim” e Lefter Çipës që Irini Qirjako këndon në provat e fundit të koncertit me të njëjtin titull. Java në Opera nis kështu me krijimtarinë e mjeshtrit të Polfonisë së Jugut, të ndarë nga jeta tri vjet më parë. 

I konsideruar si “Princi i polifonisë shqiptare”, Lefter Çipa vjen në Teatrin e Operas përmes një reportori të përzgjedhur dhe artistëve më në zë.Zërat më të mirë të polifonisë, si Nazif Çela apo Përparime Ziflaj. Këngëtarët e muzikës popullore si Petrit Lulo, artistë të Operas si sopranoja Eva Golemi e cila së bashku me Aleksandër Gjokën sjell këngën “Tundu, bejkë e bardhë tundu”.

Artistë të veriut si Bashkim Alibali, që këndojnë këto perla të jugut. Lefter Çipa ka bashkuar përmes poezisë së tij gjithë Shqipërinë. Në skenë do të jetë edhe e bija, Parashqevi Çipa. Këngëtarët e kujtojnë në këtë ditë poetin Lefter Çipa dhe për aspektin e tij human.

Nga “Vito Pëllumbesha”, “O bilbil i malit” te “Bukuria e Vasiliqisë” , çdo këngë e tij u bë këngë e shqiptarëve. Por siç zbulon e bija, ka shumë poezi të tjera në dorëshkrim për t’u zbuluar.

Orkestra, grupi vokal dhe i valleve të Ansamblit Popullor si dhe grupe të tjera polifonike, përpiqen në këtë mbrëmje të ruajnë amanetin e tij, atë për të ruajtur të pacënuar polifoninë vendase.

/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia i refuzon ministrit të Brendshëm të Kosovës kërkesën për vizitë në Luginën e Preshevës

Serbia i refuzon ministrit të Brendshëm të Kosovës kërkesën për vizitë në Luginën e Preshevës

25 Dhjetor, 13:52