Unë mendoj se për të qenë një lider nuk është nevoja të mbash në krah shiritin e kapitenit. E rëndësishme është që kur zbret në fushë të japësh më të mirën tënde. Mendoj se ka shumë kandidatë të tjerë potencialë që ndodhen përpara meje në këtë garë për shiritin e kapitenit.
Shvaishtager, apo edhe portieri Nojer janë kandidatë potencialë për të marrë shiritin e kapitenit të ekipit Kombëtar”tha ai. Sulmuesi gjerman është përfshirë në një incident me trajnerin e tij, te Bajerni gjatë seancës së fundit stërvitore.
Guardiola ka treguar se kërkon me ngulm që çdo urdhër i tij të zbatohet në përpikmëri. E nëse nuk ndodh një gjë e tillë mund ta pësosh si Myler. Guardiola duke e kritikuar për mos angazhimin maksimal në zbatimin e detyrave, iu hakërrye sulmuesit duke e mbërthyer prej qafe.
Imazhet janë fiksuar nga tifozët që ishin të pranishëm duke ndjekur stërvitjen, pasi ishte me dyer të hapura. E ndërsa kjo nuk është hera e parë që ndodh një gjë e tillë mes dy protagonistëve, Myler as nuk guxoi që të t’i përgjigjej Pepit.
d.b/shqiptarja.com