POP 5

Lajmet më të lexuara të 5 minutave të fundit

Sport

VIDEO/ Myrto Uzuni shënon dopietë historike, bëhet golashënuesi më i mirë i Granadas në Spanjë! Rekord nga sulmuesi i Kombëtares

Myrto Uzuni ia ka dalë të bëhet golashënuesi më i mirë i Granadas në gjithë historinë e klubit spanjoll, duke gjetur 46-të gola me fanellën e këtij ekipi. Dopietë nga beratasi këtë të shtunë.

VIDEO/ Myrto Uzuni shënon dopietë historike, bëhet golashënuesi më i mirë i Granadas në Spanjë! Rekord nga sulmuesi i Kombëtares

Myrto Uzuni

SPANJË - Myrto Uzuni ia ka dalë të bëhet golashënuesi më i mirë i Granadas në gjithë historinë e klubit spanjoll, duke gjetur 46-të gola me fanellën e këtij ekipi. Dopietë nga beratasi këtë të shtunë.

Për javën e 18-të në La Liga 2, Granada fitoi 3-0 kundër Racing Santander. Goli i dytë dhe i tretë i vendasve u shënua nga Myrto Uzuni në minutën e 53-të dhe 76-të, çka solli realizimin e 11-të në 15 ndeshjet e këtij sezoni.

Me këtë gol beratasi i Kombëtares lë pas një emër si Youssef El Arabi (44 gola), që deri më sot mbante rekordin. Tanimë emri i Uzunit është shkruar me gërma të arta në Spanjë, të paktën për klubin e Granadas.

Nëse marokeni El Arabi i shënoi 44 gola në 134 takime, Myrto Uzuni në 103 takime ka shënuar 46 gola me Granadan. Veç golave Uzuni për ndeshjen e dytë radhazi ka edhe shiritin e kapitenit te Granada. Kujtojmë që spanjollët e afruan sulmuesin shqiptar më 31 janarin e 2022 duke paguar 4 milionë euro te Ferencvaros.

Pas ndeshjes, në rrjetet sociale Granada i ka bërë jehonë rekordit të Uzunit, duke lëvduar sulmuesin kuqezi.

 

Rendit zhvillimet sipas orarit:
Ora 20:29
Shkroi historinë e klubit, Granada i bën jehonë veprës së Myrto Uzunit


Golat në futboll janë art më vete dhe këtë më së miri e di Myrto Uzuni, i cili me 46 gola ka gdhendur emrin me gërma të arta në historinë e Granadas, duke u bërë golashënuesi më i mirë i klubit spanjoll në të gjitha kohërat.

Për këtë, Granada i ka dedikuar një postim pas ndeshjes së fituar me rezultatin 3-0 përballë Racing Santander. Uzuni theu rekordin e El Arabit (44 gola) dhe e bëri në 103 ndeshje me Granadën. Aktualisht sulmuesi 29-vjeçar është i dyti në renditjen e golashënuesve të kampionatit me 11 golat këtë edicion.

 

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Historia: 07/12/2024 20:11

    Uzuni nje legjend i cili shkruajti historine te Granada , uroj nga 2030 te behet dhe trajner atje ne nje qytet si Granada me 300 mije banore shqiptaret ndihen shume te vlersuar aq sa do thone jemi patriot te Uzunit ! Uzuni u fut ne histori Urojme Granada kalon ne la liga ne 2025-26 dhe Uzuni te beje 100 gola ne Granada duke mbetur legjend e vertete dhe shembull per shume sportist te tjere ! Uzuni ben mire te hape edhe ndonje restorant dhe te investoje atje sepse Granada e ka vlersuar kete mjeshter te futbollit ! Bravo Uzuni nje legjend

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Deputetja në Kosovë: Në veri mund të ketë sërish provokime nga Serbia

Deputetja në Kosovë: Në veri mund të ketë sërish provokime nga Serbia

18 Dhjetor, 17:06