TIRANË- Sot nis muaji i madhërishëm i Ramazanit për besimtarët myslimanë të cilët agjërojnë. Gjatë këtij muajit të bekuar (30 ditë), besimtarët myslimanë mbajnë agjërim, një nga 5 kushtet e islamit.
Një ditë më parë, Kryetari i Komiteti Mysliman Shqiptar, Bujar Spahiu ka uruar besimtarët myslimane për nisjen e muajit të Ramazanit e shton se që ky muaj të jetë muaji i faljes, muaji i begatisë, muaji mirëkuptimit të ndërsjellët me njëri-tjetrin. Spahiu fton besimtarët që të jenë më solidarë me familjet në nevojë, t’i shtrijmë dorën njëri-tjetrit në punë të mira.
"Me rastin e fillimit të muajit të Ramazanit, ju përcjell urimet më të sinqerta që ky Ramazan të jetë muaji i faljes, muaji i begatisë, muaji mirëkuptimit të ndërsjelltë me njëri-tjetrin, muaji i ngritjes morale dhe shpirtërore, për përballimin me sukses të çdo vështirësie që kemi. Gjatë Ramazanit ju ftojmë të jeni më solidarë me familjet në nevojë, t’i shtrijmë dorën njëri-tjetrit në punë të mira. Të nderuar besimtarë, çdo gjë gjatë këtij muaji ka vlerë shumëfish më të madhe, prandaj njerëzit përmes sakrificave të shumanshme personale, synojnë të lartësohen shpirtërisht dhe të afrohen më shumë me Zotin.
Gjithashtu ky muaj, është muaji i veprave të bamirësisë që impaktojnë në të gjithë shoqërinë. Të lëmë anash mospajtimet, mëritë e egoizmin. Të synojmë të arrijmë vetëm kënaqësinë e Zotit dhe harmoninë me njerëzit, me të cilët rrethohemi. Uroj që ky të jetë muaji i faljes për ne. Duke ju uruar muajin e Ramazanit më lejoni tju dëshiroj një agjërim të lehtë, pranim të lutjeve tuaja, shëndet të mirë, lumturi e prosperitet për ju dhe familjet tuaja", tha Spahia një ditë më parë.
Muaji i Ramazanit përfundon më 20 Prill ndërsa nata e Kadrit këtë vit është në datën 17 Prill. Falja e Bajramit në datë 21 prill pritet të bëhet edhe këtë vit në sheshin Skënderbej ku festa do të jetë e dyfishtë pasi Komuniteti Mysliman në Shqipëri feston 100 vjetorin e themelimit.
Ramazani është muaji i nëntë i kalendarit hënor Islam, zgjat nga 29 ose 30 ditë dhe ku gjatë kësaj periudhe kohe besimtarit mysliman në nderim të krijuesit i duhet të argjërojë nga agimi deri në lindje të dielli, duke shmangur ushqimin, lëngjet dhe çdo sjellje negative të njeriut.
Myslimanët në gjithë botën agjërojnë dhe nuk u lejohet të konsumojnë asgjë derisa dielli të perëndojë. Ramazani konsiderohet si periudha ku trupi dhe shpirti pastrohet. Çdo vit për Ramazan, miliona myslimanë në të gjithë botën agjërojnë 30 ditë nga mëngjesi deri në mbrëmje. Përveç pastrimit të shpirtit, agjërimi mbahet për tu solidarizuar me të varfrit, për të ndarë ushqimin me to. Gjatë Ramazanit, besimtarët kërkojnë falje për mëkatet, luten për ndihmë ndaj të këqijave dhe përpiqen të pastrohen nëpërmjet vetëpërmbajtjes dhe veprave të mira.
Kreu i Grupit të PS-së, Taulant Balla ka uruar besimtarët myslimanë për muajin e shenjtë të Ramazanit. Nga Kuvendi, Balla tha se ky muaj duhet të shihet edhe nga deputetët si një muaj reflektimi për të punuar më shumë se bashku për qytetarët shqiptarë.
“Meqë mora fjalën jam i sigurt që brenda salle ka kolegë dhe kolegë të besimit islam që agjërojnë, t’iu uroj agjërim të lehtë. Ta kuptojnë muajin e shenjtë të ramazanit si një muaj të rëndësishëm e kohë për reflektim, por ne mbi të gjitha ta shohim si muaj reflektimi për të qenë më shumë herë sëbashku për të bërë punë më të mira”, tha Balla.
Presidenti Bajram Begaj ka uruar të gjithë besimtarët myslimanë për muajin e shenjtë të Ramazanit. Në një postim në Facebook, Begaj u uron agjërim të lehtë besimtarëve myslimanë.
“Të dashur besimtarë myslimanë, ju uroj gëzuar muajin e shenjtë të Ramazanit! Bashkoj me ju lutjet për më shumë begati, mirësi e solidaritet ndërnjerëzor në çdo familje shqiptare. Agjërim të lehtë e të pranueshëm! Zoti ju pranoftë lutjet e veprat e mira”, shkruan Begaj.
Komente
Lajme të tjera
-
Erdogan nesër në Tiranë, inauguron xhaminë e Namazgjasë! Myftinia e Tiranës: Do e drejtojë imami Gazment Teqja! Mungon Spahiu i KMSH
9 Tetor, 08:35 -
Protestë para KMSH-së kundër shtetit bektashi, Florian Arapi: Baba Mondi, levë në duart e Izraelit! Teqeja e tij sallë pritjeje për ushtarët izraelitë! Tradhtar i kombit
24 Shtator, 18:17 -
Një shtet bektashi në Tiranë? Shoqatat Islame protestë para Komuniteti Mysliman: 'Jo në emrin tim!'
24 Shtator, 18:05 -
Krijimi i shtetit bektashi, KMSH kundër: Jemi të shqetësuar! Nisma të tilla precedent të rrezikshëm për të ardhmen e vendit
23 Shtator, 19:14 -
Kurban Bajrami, kreu i KMSH uron besimtarët: Zoti i madhërishëm dhëntë begati e mirësi për kombin tonë
15 Qershor, 13:28 -
Mbyllet sot 1 muaj agjërim, pas Ramazanit nesër Fitër Bajrami (Kur bëhet falja)
9 Prill, 10:38 -
FOTOT/ Nga politikanët, diplomatët, artistët te mjekët e policët, kush mori pjesë në darkën e iftarit të shtruar nga Rama! Nuk mungon Gramoz Ruçi
9 Prill, 08:42 -
Komunitetit Mysliman njofton besimtarët: Namazi i Fitër Bajramit do falet në Sheshin 'Skënderbej'
8 Prill, 22:47 -
Rama shtron iftar: Ramazani, dhuratë e paçmuar e paqes dhe drejtësisë! Na bën bashkë ndjesia e përkatësisë së diçkaje të njëjtë
8 Prill, 19:33 -
Bashkia e Tiranës shtron darkën e iftarit me shoqatat myslimane dhe myftininë e Tiranës
27 Mars, 15:32 -
Reportazh në Prizren/ Agjërimi në qytetin muzeal të Kosovës dhe tradita e hershme e pitajkave
23 Mars, 15:11
-
Veliaj shtron Iftar me rastin e muajit të Ramazanit: Solidariteti dhe bashkëpunimi me njëri-tjetrin, fryma për të ecur përpara
21 Mars, 14:30
Me kushtetute kemi shtet laik. Ky Balla le te veje ne xhami e te thote c'te doje per ramazanin e cfare ti vije, po cfare pune ka parlamenti me ramazanin. Na e cpifen fare
PërgjigjuZoti mbar jua beft.????????????????????????
Përgjigju