POP 5

Lajmet më të lexuara të 5 minutave të fundit

Kosova & Rajoni

Në Bujanoc, në 2017-n një ndër bazat
kryesore të NATO-s

Anëtarët e një delegacioni të Departamentit të Shtetit dhe Ushtrisë së SHBA-së, Iniciativa globale për operacione paqeruajtëse kanë vizituar sot edhe Bujanocin, komunën e njohur shqiptare në Serbi. Në Cepotin të Bujanocit do të vendoset një ndër bazat kryesore në rajon të NATO-s.
BUJANOC – Anëtarët e një delegacion të Departamentit të Shtetit dhe Ushtrisë së SHBA-së, e cila drejtohej nga Michael Smith, nga Iniciativa globale për operacione paqeruajtëse, kanë vizituar sot edhe Bujanocin, komunën e njohur shqiptare në Serbi, ku i ka pritur në takim prefekti i Bujanocit, Nagip Arifi, me të cilin kanë biseduar afro 40 minuta, transmeton portali Rajonipress, duke iu referuar agjencisë serbe të lajmeve Beta.
 
Baza Jug e forcave serbe në Cepotin të Bujanocit në të ardhmen do të jetë njëra ndër bazat kryesore në rajon për trajnimin e ushtarëve të vendeve të ballkanike dhe kjo do të ndodhë në vitin 2015, kurse në vitin 2017 do të jenë ushtritë e NATO-s. Kështu është njoftuar prefekti Arifi, i cili pas takimit për media, duke sqaruar aktivitetet e tyre, ka falënderuar shtetin amerikan për ndihmën e pareshtur, që ka dhënë për komunën e Bujanocit.
 
Ky delegacion më pastaj ka vazhduar në takim me kryetarin e kuvendit komunal Jonuz Musliu, ku ky i fundit është njoftuar me të njëjtat aktivitet të lartpërmendura. Pas takimit, të dy kryetarët, Arifi dhe Musliu kanë marrë dhurata nga ky delegacion, njëra simboli i Ambasadës së SHBA-së në Beograd dhe tjetra simboli i Sektorit të Mbrojtjes nga ambasada e SHBA-ve.
 
Kryetari i komunës së Bujanocit, Jonuz Musliu tha sot se nuk është i kënaqur me ritmin e zgjidhjes së problemeve të shqiptarëve në këtë komunë. Pas takimit me zyrtarin e DASH- it amerikan, Paul Jukic dhe me atasheun ushtarak në ambasadën e SHBA-së në Beograd, Paul Brotzen, Musliu tha se zyrtarët amerikanë donin që të shihnin se si ishte situata në terren.
 
“Vlerësimi im është se lidershipi serb zotohet për të zgjidhur problemin e shqiptarëve në Luginën e Preshevës, por ato janë vetëm fjalë, meqë nuk ka hapa konkretë ka 12 vjet”, tha Musliu, duke shprehur shqetësime edhe për praninë e forcave të xhandarmërisë serbe".
 
Musliu tha se në takim, “në mes të rreshtave”, u cek se me qëllim të përmirësimit të stabilitetit në Bujanovc dhe Preshevë, baza e tashme ushtarake “Jug” e forcave të armatosura serbe, e cila është disa kilometra larg Bujanocit, do të jetë qendër për trajnim të forcave multinacionale të 13 shteteve, në mesin e të cilave edhe Serbisë, Bullgarisë dhe Shqipërisë.
 
Sipas Musliut, pozicioni i LPD-së, të cilën e udhëheq ai, është që përfaqësuesit politikë shqiptarë nga komunat Bujanoc, Preshevë dhe Medvegjë duhet të kenë të njëjtin trup siç do ta kenë serbët nga veriu i Kosovës (asociacionin e komunave).

“Ka filluar zbatimi i Marrëveshjes së Brukselit dhe tani është koha, që shqiptarët të ndërmarrin hapa për të zgjidhur problemet e tyre politike. Duam reciprocitet me të drejtat që i marrin serbët në veri të Kosovës”, ka thënë Musliu. “Kësisoj edhe shqiptarët duhet të kenë policinë e tyre, komandantin e policisë, si dhe gjykatën e apelit”.  

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat, dënohet me burg ish-kryebashkiakja e Patosit, Rajmonda Balilaj, i konvertohet në shërbim prove

Abuzim me tenderat, dënohet me burg ish-kryebashkiakja e Patosit, Rajmonda Balilaj, i konvertohet në shërbim prove

15 Janar, 19:00