Në masakrën e Pejës serbët vranë
serbët, për t'i ulur imazhin UÇK-së

BEOGRAD - Urdhri për vrasjen e fëmijëve serbë në Pejë gjatë luftës së Kosovës u dha nga Radomir Markoviç me qëllim që ky krim t’i atribuohej UÇK-së e kësaj t'i ulej imazhi.

Radomir Markoviçi ka dhënë urdhër për vrasjen e gjashtë të rinjve serbë më 14 dhjetor 1998 në bar-kafenë “Panda” në Pejë, shkruan gazeta serbe "Kurir".

Krimi është kryer nga Legija, komandanti famëkeq i JSO-së.


(Në foto: Radomir Markoviçi në të djathtë).

Një burim i afërt me qeverinë serbe i ka thënë kësaj gazete se tashmë ekzistojnë prova konkrete, që e lidhin Radomir Markoviçn, në atë kohë ministër i Punëve të Brendshme të Serbisë me krimin në Pejë.

Gazeta Kurir, e njohur për qëndrime të saj antishqiptare, në këtë shkrim pranon se qëllimi i vrasjes së të rinjve serbë ka qenë dëmtimi i imazhit të UÇK-së në opinionin ndërkombëtar; pra, Serbia ka vrarë vetë serbët e Pejës me qëllim që bota të mendojë se krimi u krye nga shqiptarët.

I pari që pranoi se kjo vrasje u krye nga Shteti Serb ishte zëvendëskryeministri aktual, Aleksandër Vuçiç.


(Në foto: Viktimat serbe të masakrës së Pejës)

Redaksia Online
(mag/shqiptarja.com)