Zona e Elbasanit çudit përsëri. Këtë herë ka lindur një qingj me gjashtë këmbë. Gjymtyrët e tepërta janë afër gjymtyrëve të pasme të qingjit të vogël.
Lindja ka ndodhur në një familje në një fshat të zonës së Sulovës në rrethin e Elbasanit, ku delja e familjes fshatare lindi dy qingja një femër dhe një mashkull. Qingji femër lindi në shëndet të mirë, anomalia u pa tek qingji mashkull, i cili rezulton me gjashtë këmbë.

Prej vitesh zona e Elbasanit është protagoniste e lindjeve të çuditëshme. Po në këtë zonë në fillim të viteve 2000 lindi një viç me dy kokë, më pas zog pule me katër këmbë. Spacjalistët i konsiderojnë këto lindje si pasojë e ndotjes së theksuar që fillimisht prej Metalurgjikut, ndërsa tani prej shumë fabrikave të tjera private, prekin këtë zonë të Shqipërisë së Mesme.