Lufta për çlirimin e plazheve nga zaptuesit do të vijojë pa pushim. Kështu shkruan kryeministri Rama, që thekson edhe njëherë se ky do të jetë sezoni i fundit me këtë hall, pasi vitin tjetër plazhet kalojnë në administrimin e shtetit duke ua hequr bashkive.
"Vazhdon papushim lufta për çlirimin e plazheve nga zaptuesit, falë edhe qytetarëve që nuk heshtin. Ky sezon do të jetë i fundit me këtë hall të madh për njerëzit dhe turp të madh për vendin e për shoqërinë.
Me ligjin e ri për vijën bregdetare, përgjegjësinë për mbrojtjen e kësaj pasurie publike, të pushuesve e të bizneseve të rregullta, pa miq nëpër bashki e pa lekë për zyrtarucët bashkiakë, do ta marrë shteti" shkruan Rama.
![](https://shqiptarja.com/template/img/NO_ALFA_Kuadrate shqiptarja.png)
Ndërkohë që kreu i qeverisë ka publikuar edhe disa mesazhe dhe foto që sipas tij i kanë ardhur nga qytetarë të ndryshëm, mes tyre sikur lexohet në tekst edhe demokratë lidhur me luftën anti-informalitetit. 'Na zure bashkitë, por të paktën na lirove plazhet. Bashkitë i paskan pas për vete partia jon dhe jo për demokratët e vërtetë' shkruhet në një nga mesazhet.
Mesazhet e publikuara nga kryeministri Edi Rama
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
BRAVO,,RAMA,..//
Përgjigju