TIRANE- Lëvizja Nano për Fitoren e Socialistëve akuzon kryeministrin Berisha dhe kreun e LSI, se kanë privatizur postet ministrore duke shpërfillur përmbushjen e 12 kritereve të BE-së për të bërë të mundur marrjen e statusit të vendit kandidat në BE.

Nëpërmjet një njoftimi për shtyp Lëvizja Nano thotë se nuk mund të tolerohet në asnjë rast “mendesia e privatizimit dhe partiakizimit te Qeverise dhe posteve Ministrore” dhe shpreh vendosmërinë për ta konkuruar këtë klasë politike, të cilën e quan “dështake” dhe “për ta ndryshuar këtë kulturë, mendesi e sjellje të gabuar, dëmtuese dhe ndeshkuese për shqiptarët”

“Shqipërisë i nevojiten reforma të thella në drejtësi, në administratën publike, në luftën kundër korrupsionit, në krijimin e të gjitha kushteve për një qeverisje të pastër, transaparente dhe llogaridhënëse. Qeveria së bashku me opoziten duhet të përmbyllim domosdoshmerisht brenda afatit dhe me përgjegjshmëri të lartë reformën parlamentare dhe reformen elektorale në mënyrë që në vitin 2013 të kemi më në fund zgjedhje të lira, të ndershme, të pakontestuara dhe të përputhura me standartet me te mira europiane. Por ndryshimet e fundit ne Qeveri te nismmuara nga LSI dëshmojnë pikërisht te kundërtën.”- thuhet në njoftimin për shtyp.

Lëvizja Nano shpreh vendosmërinë për ta konkuruar këtë klasë politike të Cilën e etiketon “dështake” e për të ndryshuar “këtë kulturë, mendësi e sjellje të gabuar, dëmtuese dhe ndëshkuese për shqiptarët”

META KEMBEN MINISTRAT
Kryetari i LSI Ilir Meta pas mbledhjesë së mbrëmshme të kryesisëprezantoi ndryshimet në qeveri, duke bërë lëvizjen e të gjithë ministrave të kabinatit qeveritar, duke nxjerrë jashtë kabinetit Petrit Vasilin dhe Nasip Naçon, të cilët shkojnë respektivisht njëri kryetar i komitetit të Konventës së LSI dhe tjetri nënkryetar Kuvendi, ndërkohë që futen në qeveri Edmond Panariti, në postin e Ministrit të Jashtëm dhe Vangjel Tavo në postin e Ministrit të Shëndetësisë. Edmond Haxhinasto do të mbajë postin e zv/kryeministrit, dhe të ministrit të Ekonomisë.

DEKLARATA E PLOTE E LEVIZJES NANO
Levizja Nano per Fitoren e Socialisteve veren me shqetesim papergjegjshmerine dhe shperfilljen qe i ben Koalicioni Qeverises permbushjes se 12 kritereve te BE per te bere te mundur qe vendi yne te mare Statusin e Kandidatit ne Tetorin qe vjen, gje qe po pasqyrohet ne te gjitha nivelet e veprimit dhe mendimit politik.
Qeveria po tregohet e paafte per te ndertuar komunikim dhe bashkerendim politik normal e parimor, perfshires dhe te frytshem me te gjithe aktoret e tjere politike dhe institucionale.
Klima politike ne Shqiperi mbetet ende e helmatisur nga retorikat boshe dhe zgjidhjet politike qe burojne nga perllogaritje meskine dhe te ngushta te interesave partiake e te grupeve brenda partive apo koalicionit qeverises.
Prirjet per akaparimin e te gjitha pushteteve politike, institucionale dhe kushtetuese po e devijojne vendin tone nga rruga europiane duke rrezikuar seriozisht demokracine dhe integrimin europian.
Detyrat dhe reformat e integrimit nuk jane sfida te vetem disa partive, kryetareve te partive apo ministrave te qeverise, por jane sfida te te gjithe shoqerise shqiptare, te te gjithe aktoreve e faktoreve politike, institucionale, qytetare, akademike,shoqeri civile, etj.
Qeveria nuk mund ta patronizoje procesin e integrimit te Shqiperise ne BE duke e kthyer ne rutine te axhendes dhe lojerave te pushtetit. Procesi i integrimit europian eshte nje proces me rendesi madhore per shqiptaret dhe interesat tona kombetare.
Retorika prointegrim si mbulese per veprime e mendesi jodemokratike nuk mund te zevendesoje dhe mbuloje nevojen per reforma reale dhe ndryshime thelbesore te qeverisjes ne 12 drejtimet prioritare te Statusit te Vendit Kandidat per ne BE.
Shqiperise i nevojiten reforma te thella ne drejtesi, ne administraten publike, ne luften kunder korrupsionit, ne krijimin e te gjitha kushteve per nje qeverisje te paster, transaparente dhe llogaridhenese. Qeveria se bashku me Opoziten duhet te permbyllim domosdoshmerisht brenda afatit dhe me pergjegjshmeri te larte reformen parlamentare dhe reformen elektorale ne menyre qe ne vitin 2013 te kemi me ne fund zgjedhje te lira, te ndershme, te pakontestuara dhe te perputhura me standartet me te mira europiane.
Por ndryshimet e fundit ne Qeveri te nismmuara nga LSI deshmojne pikerisht te kunderten.
Qeveria vertet ndertohet nga numrat ne Kuvend dhe marreveshjet e Partive Politike pjesemarrese ne Koalicion, por nuk mund te tolerohet ne asnje rast mendesia e privatizimit dhe partiakizimit te Qeverise dhe posteve Ministrore te cilat u perkasin shqiptareve e duhet te behen vetem ne perputhje me interesat e shqiptareve dhe te integrimit.
Privatizimi dhe Partiakizimi i detyrave qeverisese eshte akt dhe mendesi jodemokratike dhe jointegruese.
Levizja Nano per Fitoren e Socialisteve inkurajon te gjithe aktoret dhe faktoret politike ne vend qe ta ngrene axhenden e integrimit europian te Shqiperise permbi cdo kalkulim, retorike apo interes te ngushte partiak apo vetjak. Shqiperia eshte e te gjitheve, prandaj roli i Qeverise per axhenden e integrimit duhet permbushur me pergjegjshmeri e llogaridhenie para qytetareve shqiptare dhe ne te miren e tyre.
Levizja Nano per Fitoren e Socialisteve ka nje vizion dhe angazhim te forte per te ndertuar klimen dhe kulturen e duhur politike dhe institucionale qe nxit dhe ndihmon perparimin e axhendes se integrimit europian te Shqiperise. Levizja Nano per Fitoren e Socialisteve synon te shnderrohet ne nje burim nismash dhe platformash politike te cilat do te kerkojne bashkepunimin dhe bashkerendimin e gjithe shoqerise shqiptare, te te gjithe aktoreve e faktoreve politike e civile, vendimmarres apo ndikues ne vendimmarrje.
Ne kete 100 vjetor te Shtetit Shqiptar te gjithe kerkohet te ndergjegjesohemi se Qeveria dhe Opozita jane jo instrumenta te Kryetareve apo klaneve politike nderluftues per interesa partiake apo vetjake, por jane instrumenta te qytetareve shqiptare per ta bere vendin tone nje vend te denje Europian.
Levizja Nano per Fitoren e Socialisteve e denoncon deshtimin e Kryetarokrateve ne Koalicionin Qeverises dhe te atyre ne Opozite per t'i dhene Shqiperise Statusin Europian.
Levizja Nano per Fitoren e Socialisteve shpreh vendosmerine per ta konkuruar kete klase politike deshtake e ndryshuar kete kulture, mendesi e sjellje te gabuar, demtuese dhe ndeshkuese per shqiptaret.
Levizja Nano per Fitoren e Socialisteve shpreh vendosmerine per te qene ne krye te te gjitha reformave e sfidave politike per ta bere integrimin europian te Shqiperise nje realitet te prekshem dhe te arritur me dinjitet.

Redaksia online
(sg/shqiptarja.com)