POP 5

Lajmet më të lexuara të 5 minutave të fundit

Politikë

Nano: Rritja e rrogave populizëm
por jemi në buzë të greminës

Duke i uruar SHBA-së 236 vjetorin e Pavarësisë si shembulli i vlerave të demokracisë dhe lirisë, Lëvizja Nano për Socialistët tha në një deklaratë për shtyp se Shqipëria duhet t’i largohet regjimit postkomunist të Sali Berishës dhe për këtë nevojitet bashkimi i opozitës.
TIRANE - Duke i uruar SHBA-së 236 vjetorin e Pavarësisë si shembulli i vlerave të demokracisë dhe lirisë, Lëvizja Nano për Socialistët tha në një deklaratë për shtyp se Shqipëria duhet t’i largohet regjimit postkomunist të Sali Berishës dhe për këtë nevojitet bashkimi i opozitës.

“Bashkimi i Opozitës është domosdoshmëri politike dhe historike në mënyrë që ne të gjithë faktorët dhe aktorët opozitarë së bashku ta rikthejmë Shqipërinë në axhendën e zhvillimit dhe integrimit të shëndetshëm dhe të qëndrueshëm në realitetet, standardet dhe vlerat euroatlantike”, deklaroi Nano.

Përmes Lëvizjes së tij, Nano tha se Kryeministri Berisha është i paaftë për të kryer detyrat e përcaktuara nga SHBA dhe Partnerët e tjerë Europianë dhe shembulli më i fundit për këtë, sipas tij, është zgjedhja e Presidentit.

“Me populizmin e pseudorritjes së pagave e pensioneve, përballë alarmit të mbingarkesës së borxhit sovran e të mosrritjes së qëndrueshme ekonomike, regjimi i Berishës na ka sjellë në buzë të greminës. Sali Berisha nuk konkuron dot me askënd, as me ritmin e integrimit të vendeve të rajonit” , - thuhet në deklaratën e Lëvizjes Nano për Socialistët.

Sipas zotit Nano, Berisha e ka të pamundur të konkurojë me Opozitën e Bashkuar, pasi kryeministri po rikthehet në modelin më të keq të liderit postkomunist në Shqipëri.

“Sali Berisha po konfirmohet çdo ditë që shkon se ai nuk është as më shumë e as më pak por një arrestues i zellshëm autokratik dhe i kaluar kohe, i energjive dhe mundësive kombëtare për zhvillim të shëndetshëm dhe integrim evropian”, -vijon Nano.

Sipas Lëvizjes Nano, opozita e bashkuar i ka të gjitha mundësitë që t'i fitojë zgjedhjet e vitit 2013, për ta festuar 4 korrikun e vitit të ardhshëm në një Shqiperi të rikthyer në rrugën e mbarë.

(gm/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Pamjet mbresëlënëse, Parku i Drilonit nën petkun e dëborës

Pamjet mbresëlënëse, Parku i Drilonit nën petkun e dëborës

13 Janar, 10:31