Napoli mposht Milanin 2-1 në “San
Siro”, presion Juves për kreun

Napoli mposhti Milanin në “San Siro” duke fituar 2-1 dhe duke i bërë presion Juventusit kryesues.

Fillimi i ndeshjes ishte fantastik për skuadrën napoletane që shënon dy gola të shpejtë dhe të bukur me Lorenco Insinje fillimisht dhe më pas edhe me Kalehon në minutat 6 dhe 9-të.

Reagimi i Milanit vjen që në pjesën e parë me golin e Kucka në minutën e 37-të që ngushton diferencën në 1 me 2. 

Në pjesën e dytë më pas nuk ndodh asgjë pavarësisht përpjekveje të kuqezinjve dhe Napoli merr një fitore të rëndësishme në transfertë.

Skuadra e Mauricio Sarrit ngjitet në kuotën e 44 pikëve ndërsa Milani mbetet jashtë zonës Champions. 

Ndërsa në ndeshjen tjetër të së shtunës Fiorentina arriti fitore bindëse në transfertë ndaj Kievos 3-0.

Redaksia Online
l.q/Shqiptarja.com