POP 5

Lajmet më të lexuara të 5 minutave të fundit

Sport

Napoli s'e diskuton Bolonjën, në krye të Seria A sëbashku me Milanin! Atletico Madrid tjetër hap të gabuar në 'La Liga'

Napoli i është bashkëngjitur Milanit në krye të Seria A, pasi Bolonja ka rezultuar e dobët. Skuadra e Spaletit ka fituar pastër me rezultatin 3-0. Ndërkohë në La Liga Atletiko Madrid ka hedhur një tjetër hap fals, pasi ka barazuar 2-2 kundër Levantes së Enis Bardhit.

Në javën e 10 të Seria A kreu nuk është një pozicion që i përket një skuadre të vetme. Kjo për shkak se Napoli nuk i ka diskutuar tre pikët kundër Bolonjës, duke fituar me rezultatin e thellë 3-0.

Në stadiumin ‘Diego Armando Maradona’ ndeshja u zhbllokua në minutën e 18 nga një e majtë vdekjeprurëse e Fabian Ruiz, i cili bëri të pavlefshme edhe hedhjen e portierit. Më tej kapiteni Insigne, që është në vitin e fundit të kontratës, realizoi ‘dopietë’ me penallti, duke vulosur edhe shifrat përfundimtare të takimit. Pas 10 ndeshjesh në kampionat Napoli ndan vendin e parë me Mlanin me 28 pikë.

Ndërkohë në La Liga Atletico Madrid ka hedhur një tjetër hap të gabuar për kreun. Skuadra e Simeone-s, trajnerit që u ndëshkua me karton të kuq, ka barazuar 2-2 kundër Levante-s në transfertë. Atletico kaloi në dy raste në avantazh, njëherë me Griezman dhe njëherë tjetër me Matheus Cunha, por pavarësisht kësaj nuk mundi të fitonte.

Në të dy rastet Levante arriti të barazonte me shqiptarin e Maqedonisë Enis Bardhi, i cili u tregua i saktë në të dy penalltitë e fituara nga Levante. Ky barazim e pozicionon Atletico Madrid në vendin e 6 me 19 pikë, 5 më pak se Real Sociedad i vendit të parë që ka një ndeshje më shumë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Gjermani/ Kalimtarët sulmohen me thikë në një park në Bavari, dy të vdekur dhe disa të plagosur

Gjermani/ Kalimtarët sulmohen me thikë në një park në Bavari, dy të vdekur dhe disa të plagosur

22 Janar, 13:55