Taksi falas për të shkuar në shtëpi pas një nate të gjatë shfrenuese në disko. Ky është projekti eksperimental që do të implementohet në Itali në kuadër të nismave për sigurinë rrugore.
Në Ministrinë e Infrastrukturës dhe Transportit, në prani të Zëvendëskryeministrit dhe Ministrit të Infrastrukturës dhe Transportit, Matteo Salvini, u nënshkrua një memorandum mirëkuptimi me shoqatat përfaqësuese që organizojnë jetën e natës.
Ministria ka alokuar fondet për të paguar taksitë e bardha që do të ndihmojnë të çojnë në shtëpi ata që pasi dalin nga diskoteka i nënshtrohen testit të alkoolit dhe rezultojnë që nuk mund të drejtojnë makinën.
Gjithashtu do të shoqërohen në shtëpi dhe njerëzit e tjerë që kanë qenë shoqërues të tij në disko.
Sipas këtij projekti pilot i cili do të jetë aktiv për muajin gusht deri në mes të shtatorit, 6 disko do të firmosin një marrëveshje me taksistët lokalë të cilët do të transportojnë falas në shtëpi klientët e pajisur me një kupon.
Në fund të projektit pilot do të vlerësohet dhe efektiviteti i projektit.
Lajme të tjera
-
Mbyllen club-et e lokalet e natës/ Pronarë e artistë protestë kundër vendimit para Kryeministrisë, 5 të shoqëruar në polici
20 Korrik 2020, 20:14 -
Ministria mbylli diskot, reagon Shoqata e Bareve: Vendim absurd, vatër infektimi nuk jemi ne, por spitalet ! Nesër protestë te Kryeministria
20 Korrik 2020, 18:12 -
Qeveria mbyll diskot pas shfrenimit dhe injorimit të masave anti-COVID (VIDEO)
20 Korrik 2020, 12:22
