Natën e ndërrimit të viteve ambulanca të stacionuara në sheshet kryesore, shtohet personeli mjekësor në urgjenca

“Të gjitha spitalet dhe Urgjenca Kombëtare Mjekësore do të jenë në gatishmëri 24/7 orë sot dhe në ditët në vijim.  Gjatë ditëve të festave kemi marrë masat për rastet dhe urgjencat duke garantuar shërbim shëndetësorë 24 orë në të gjithë spitalet. Kemi marrë masat për të siguruar medikamentet shtesë në raste nevoje, për rastet që mund të paraqiten”. - Ministrja e Shëndetësisë dhe Mbrojtjes Sociale, Ogerta Manastirliu, bëri këtë deklaratë gjatë takimit me ekipin e urgjencës së Spitalit Universitar të Traumës, spital i cili pret dhe numrin më të madh të urgjencave gjatë ndërrimit të viteve.

Në kuadër të masave shtesë të marra nga strukturat e  Ministrisë së Shëndetësisë dhe Mbrojtjes Sociale, gjatë ditëve të festave për shtim të personelit në urgjencat mjekësore në të gjitha spitalet dhe qendrat shëndetësore do të ketë edhe personel “on call” në rast nevoje.

“Ekipi i mjekëve dhe infermierëve do të jenë në gjendje gatishmërie për festat e fundvitit. Përveç ekipeve të përforcuara janë marrë masat që spitalet të kenë listën e mjekëve ‘on call’ për çdo emergjencë për secilin shërbim”, tha Manastirliu.

Në të gjitha qytetet e Shqipërisë, në sheshet ku do të festohet ndërrimi i viteve do të vendosen autoambulancat nga ora 19:00 deri në përfundim të festës.

“Urgjenca Mjekësore Kombëtare gjithashtu është me stafe të përforcuara. Kemi vendosur që këtë vit të kemi struktura nëpërmejt autoambulancave dhe ekipeve tona mjekësore aty ku do të këtë festa. Në të gjithë  sheshet e qyteteve do të ketë një mbështetje dyfishe me ekipe mjekësore dhe autoambulanca, të cilët do të jenë në gatishmëri për çdo urgjencë që do të ketë nata e ndërrimit të viteve”, u shpreh Manastirliu.

Sipas urdhërit të Ministres Manastirliu, masat e përforcuara do të zbatohen nga të gjitha ekipet mjekësore në datat 31 dhjetor, 1, 2, 3 janar 2019, për t’iu përgjigjur të gjitha thirrjeve në rast nevoje nga qytetarët.

Gjatë takimit me ekipin e mjekëve dhe infermierëve të spitalit të Traumës, Ministrja bëri një falenderim të posaçëm për ekipin mjekësor të këtij spitali i cili ka përballuar me sukses ngjarjet e rënda të këtij viti si tërmeti i datës 26 nëntor.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit