Giovanni De Biasi ishte i pari trajner që dërgoi kombëtaren shqiptare të futbollit në fazën finale të Europianit "Francë 2016". Por asgjë nuk ka qenë aq e lehtë për jetesën në vendin tonë dhe paragjykimet e të huajve. Në një rrëfim për "Exclusive" në TCH, italiani 67-vjeçar kujton natën e parë të para 12 viteve kur vinte në vendin tonë dhe frikën nga grabitjet.
"Më kujtohet nata e parë që do të më duhej të flija në një hotel në qendër të Tiranës, vendosa karrigen prapa derës së dhomës. Sot i kujtoj këto gjëra dhe më vjen për të qeshur, por 12 vite më parë kur erdha në atë kohë e ndjeja se duhet të veproja ashtu që të isha më i qetë me veten”, tha De Biassi, duke treguar për paragjykimet e të huajve për shqiptarët.
Pjesa tjetër më pas është histori, ai drejtoi kuqezinjtë për 51 ndeshje dhe siguroi kualifikimin historik në Euro 2016, që për tanët ndodhte për herë të parë.
![](https://shqiptarja.com/template/img/NO_ALFA_Kuadrate shqiptarja.png)
Më pas pasaporta shqiptare dhe pagëzimi me emrin "Gani". Epo, nga frika e fillimit, Shqipëria u kthye në parajsën e De Biasit që tanimë njihet për arritjen që shënjoi me Kombëtaren.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)