POP 5

Lajmet më të lexuara të 5 minutave të fundit

Kultura

Naun Shundi: Turp i madh! Qeveria nuk e do teatrin, edhe s’mendon për shëndetin e artistëve, por për fondet

Aktori Naun Shundi i bën apel Ministrisë së Kulturës të zhbllokojë fondet e Teatrit Kombëtar, që artistët të nisin punën për premiera. Shundi shprehet se qeveria shqiptare nuk e do teatrin. Ndërsa, mungesa e komunikimit prej shtatë muajsh e artistëve me publikun ka vrarë jo vetëm teatrin, por  edhe krijuesit

Pezullimi i shfaqjeve edhe provave në Teatrin Kombëtar prej mëse shtatë muajsh për shkak të pandemisë COVID 19 nuk ka rënduar vetëm artdashësit, por edhe krijuesit.  Aktori i karrierës me mbi 80 role në teatër dhe kinematografi për “ReportTV”, Naun Shundi, shprehet se Ministria e Kulturës duhet që të zhbllokojë fondet, që artistët e Teatrit Kombëtar të nisin provat për premiera.

“Unë them se teatri është vonë, duhet të kishte filluar më parë, të kishte bërë gati projektet. Nëse MK i zhbllokon fondet, pasi këtu gjithmonë luhet për lekët, se jam i bindur se shtetit shqiptar s’i intereson shëndetësia dhe përkujdesja për artistët, por fondet. Nëse MK hap fondet ne do të kishim nis procesin e punës, që tani do të dilnim me premiera, jo të nisim për premierat e ardhshme tani. Turp i madh”, shprehet aktori Naun Shundi.

Shundi propozon edhe ringritjen e një Ministrie Arti, që mos ta neglizhojë teatrin, sikundër është duke bërë qeveria deri tani

 “Unë do kisha dëshirë që të kishim dhe një Ministri Artesh. Këtu është Ministria e Kulturës. Kush e mbulon artin në MK nuk e di? Siç ka qenë dikur Ministria e Artit edhe Kulturës, këtu arti është fshirë edhe kjo është bërë me qëllim. Kultura është tjetër gjë, edhe arti është tjetër gjë. Këtu nis neglizhenca dhe mospërfillja e qeverisë ndaj teatrit. Nuk e duan teatrin, teatrin e do populli, e duan artistët. Qeveria s’e ka dashur asnjëherë”.

Aktori teksa rrëfen se pezullimi i shfaqjeve ka ‘vrarë’ jo vetëm publikun, por edhe krijuesin, shton se artistët janë të gatshëm që të ngjiten në skenë për shfaqje.

“Është stresuese. Mungesa e komunikimit me publikun vret teatrin dhe duke vrarë teatrin vret dhe aktorët e tërë krijuesit. Me të gjitha masat që ka nxjerr Ministria e Shëndetësisë, ne jemi shumë të gatshëm edhe mezi presim të fillojë teatri.” 

Sindikata e Aktorëve të Teatrit Kombëtar përmes medieve pas një mbledhje në ArTurbina i bëri apel Ministrisë së Kulturës, që të zhbllokojë fondet dhe brenda rregullave të distancimit, të lejojë artistët që të japin shfaqje në skenë.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • joti: 03/10/2020 18:30

    Ky ne fakt ka qene "aktor i madh" mos ja vini re se gjithmon rri tape..... Vdes per konjak....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia i refuzon ministrit të Brendshëm të Kosovës kërkesën për vizitë në Luginën e Preshevës

Serbia i refuzon ministrit të Brendshëm të Kosovës kërkesën për vizitë në Luginën e Preshevës

25 Dhjetor, 13:52