Duke ripërsëritur qëndrimin e shtetit francez se sovraniteti dhe integriteti i Kosovës janë të pacenueshëm, Fitu vë në pah se çështja e veriut duhet të zgjidhet brenda dokumenteve të cilat ekzistojnë në Kosovë, e jo me plane apo kërcënime të ndryshme. Sipas tij, për Kosovën më i rëndësishëm është përfundimi i mbikëqyrjes së pavarësisë se sa dialogu me Serbinë.

E Bashkimi Evropian është duke bërë çmos që dialogu mes Kosovës dhe Serbisë të fillojë sa më parë, ka thënë edhe zëdhënësja e përfaqësueses së lartë të BE-së, Catherine Ashton, Maja Kocijançiq.
Ajo citohet nga mediat serbe se tashmë ka biseduar me kryeministrin e Kosovës, Hashim Thaçi dhe me atë serb, Ivica Daçiç. 
Megjithëkëtë, nuk ka saktësuar se kur do të caktohet rrethi i ri i dialogut. Kociajnçiç ka vënë në pah se Eshton ka theksuar se është me rëndësi që të dyja palët, edhe Prishtina edhe Beogradi, plotësisht t`i zbatojnë të gjitha marrëveshjet e arritura.

Mirëpo Serbia po tregohet neglizhente ndaj marrëveshjeve të arritura. Ajo vazhdon të mos bashkëpunojë në procesin e ndriçimit të fatit të të pagjeturve. Eksperti i mjekësisë ligjore, Arsim Gërxhaliu, duke iu shmangur aspektit politik në këtë problematikë, thotë se bashkëpunimi me palën serbe në këtë fushë të rëndësishme mbështetet në bazën humanitare. 
/rg/shqiptarja.com/