Shumë zyrtarë të lartë qeveritarë dhe të policisë kishin deklaruar se ky rast është drejt zbulimit dhe shumë shpejt pritet arrestimi i tyre, mirëpo këto deklarata nuk dolën aspak të vërteta.
Blerim Krasniqi, zëdhënës në EULEX ka deklaruar se hetimi është pezulluar teknikisht në mënyrë që të mos shpenzohet afati kohor për hetim që është paraparë me ligj. Sipas Krasniqit, ky rast është duke u shqyrtuar nga prokurori.
Fillimisht rasti ishte hetuar nga Policia e Kosovës e cila kishte formuar edhe një Task Force, pastaj rasti ka kaluar në Prokurorinë Speciale e tek zyrtarët e EULEX-it, mirëpo askush nuk arriti ta zbardhë skandalin që arriti të ngelet në heshtje nga mediat në Kosovë.