Ish-futbollisti i Atletico Madrid, Gerhard Rodax vdiq sot në Traiskirchen, një qytet jo shumë larg Vienës, në një aksident tragjik në moshën 57 vjeçare. Ish-sulmuesi vuante nga një sëmundje e rëndë dhe sipas medieve austriake i doli përpara trenit duke i dhënë fund jetës.
Në karrierën e tij sportive, sulmuesi është i njohur për aktivizimin me Admira Uacker në Austri, aty ku fitoi edhe Këpucën e Artë me 35 gola në sezonin 1989-1990. Më pas karriera e tij për dy sezone u zhvillua me Atletico Madrid në Spanjë.
Në lidhje me largimin e parakohshëm të Rodax nga jeta, kanë reaguar ish-klubet e tij.
"Sot morëm një lajm shumë të hidhur. Ish-lojtari ynë Gerhard Rodax vdiq në një aksident tragjik në moshën 57 vjeçare pas një sëmundjeje të rëndë. Ngushëllimet tona më të sinqerta për familjen e tij", tha skuadra austriake Admira Uacker.
Atlético Madrid gjithashtu shprehu keqardhjen pas lajmit. "Familja bardhekuqe është në zi për vdekjen e Gerhard Rodax. Lojtari austriak ishte anëtar i ekipit tonë në sezonin 1990-91 dhe fitoi një Copa del Rey. Ju do të jeni gjithmonë në zemrat tona", shkruan klubi madrilen.