TIRANË- Shuhet në moshën 75-vjeçare gazetari i njohur sportiv Nexhat Gjuzi.
Gjuzi lindi në Kavajë më 13 shtator të vitit 1946. Vitet e para të karrierës ia kushtoi gazetarisë dhe deri në vitin 1990 shquhej si një nga gazetarët më të mirë sportivë të kohës.
Ai ka qenë gazetari i të vetmes gazetë sportive në Shqipëri para kësaj periudhe. Gjuzi njihej edhe si një ndër themeluesit e Shoqatës së Intelektualëve Myslimanë.
Më pas karriera e tij mori një tjetër drejtim. Gjuzi shërbeu në disa poste të rëndësishme shtetërore në Kuvendin e Shqipërisë, në Kontrollin e Lartë të Shtetit dhe Komitetin e Kulteve.
Lajm shumë i hidhur. Nexhat Gjuzi ishte dhe do të mbetet shëmbulli i një njeriu me edukatë të përsosur, një njeri me kulturë të lartë, tepër njerëzor. E kam njohur shumë herët, që kur ai filloi punë në Gazetën Zëri i Rinisë, duke punuar së bashku një kohë të mirë në vitet e rinisë. Nuk ishte vetëm një ndër gazetarët më të mirë sportiv të vendit, por edhe një intelektual dhe punonjës shëmbull në administratën e shtetit. Kemi humbur një njeri dhe mik të madh. Ju ndritët shpirti Nexhat Gjuzi, miku ynë i madh qysh nga vitet e rinisë.
Përgjigju