Organizata "Drejtësi Sociale" ka dorëzuar në Gjykatën Kushtetuese padinë për shfuqizimin e udhëzimit të ish-ministres së brendshme (tani zv/kryeministre), Albana Koçiut për për ndalimin për qarkullim të monopatinave elektrike.

Në padi, kërkohet që udhëzimi të shpallet i papajtueshëm me Kushtetutën, të pezullohet menjëherë deri në përfundimin e shqyrtimit gjyqësor dhe qytetarëve t’iu rikthehen menjëherë mjetet e bllokuara.

Si motive kryesore për shfuqizimin, padia liston disa cenime dhe shkelje të të drejtave të qytetarëve:

-Cenon lirinë e lëvizjes së qytetarëve;

-cenon lirinë ekonomike dhe veprimtarinë e ligjshme tregtare;

-ndërhyn në të drejtën e pronës;

-shkel parimin e proporcionalitetit;

-cenon sigurinë juridike;

-tejkalon kompetencën normative të autoritetit administrativ.

“Autoriteti administrativ ka zgjedhur masën më ekstreme të mundshme, duke eliminuar tërësisht përdorimin e këtyre mjeteve”, thekson padia.

Kliko këtu për të lexuar dokumentin e plotë