Ndalimi i qeseve plastike një përdorimshe, Kumbaro: Janë plumbat më të tmerrshëm, ndotësit që transformohen në produkt helmues

 

Që prej 1 qershorit ka hyrë në fuqi ndalimi i qeseve një përdorimshe. Ndërsa nga fillimi i këtij korrikut, qeveria ka bërë me dije se hyn në fuqi gjobitja e subjekteve që vazhdojnë të përdorin qese plastikë më të holla se 70 mikron.

Në intervistën për emisionin "Pa Protokoll" të gazetares Anduela Ndreu, ministrja Mirela Kumbaro i cilësoi qeset plastike një përdorimshe si "një nga plumbat e tmerrshëm" si ndotës të tokës dhe të ujërave. Teksa tregoi statistikat, u shpreh se ky ligj për qeset ishte i domosdoshëm duke qenë se shkaktojnë dëm të madh.

"Qeset janë një ndër plumbat më të tmerrshëm që trajtohen në të gjithë botën si një nga ndotësit më të mëdhenj të tokës, sidomos të ujërave. Qeset një përdorimshe, sipas llogaritjeve nga Ministria dhe partnerët tanë, çdo shqiptar përdorte rreth 3 qese në ditë, pra i mbante 12 minuta dhe i hidhte. Llogarisni numrin me miliarda në vit që hidhen në territor. Ato përhapen shumë lehtë dhe përfundojnë në ujë dhe nuk dekompozohen as në qindra vjet, por transformohet në produkt helmues për gjallesat dhe na sillen më vonë në pjatë. Nëse vijon kështu planeti ynë, në oqeane dhe dete do ketë më shumë qese se peshq", tha Kumbaro.

Lajmi kryesor:

Kumbaro në 'Pa Protokoll': Rritjet e çmimeve në Turqi dhe Greqi sollën fluks turistësh në Shqipëri, rezervime deri në fund të sezonit

/LR/Shqiptarja.com

TAG:
• turizem
• Mirela Kumbaro
• pa protokoll