POP 5

Lajmet më të lexuara të 5 minutave të fundit

Kosova & Rajoni

Ndalohet një gjykatës mbi dyshime për marrje rryshfeti në Shkup

Edhe për një person tjetër ekzistojnë dyshime për veprën penale të pranimit të rryshfetit, sipas Kodit penal të Maqedonisë së Veriut. Ndonëse prokuroria as autoritetet policore nuk japin emra, një pjesë e medias duke u mbështetur në burime brenda gjykatave dhe policisë thonë se gjykatësi i akuzuar dhe ndaluar është Nake Georgiev.

Ndalohet një gjykatës mbi dyshime për marrje rryshfeti në Shkup

Gjykatesi Nake Georgiev

Zyra për Krimin e Organizuar dhe Korrupsionin e Prokurorisë Themelore Publike në Shkup hapi të martën një procedurë për hetime të mëtejshme që do të përcaktonin masën ndaj një gjykatësi të Gjykatës së Lartë, i cili është ndaluar nën dyshimet për marrje ryshfeti.

Edhe për një person tjetër ekzistojnë dyshime për veprën penale të pranimit të rryshfetit, sipas Kodit penal të Maqedonisë së Veriut. Ndonëse prokuroria as autoritetet policore nuk japin emra, një pjesë e medias duke u mbështetur në burime brenda gjykatave dhe policisë thonë se gjykatësi i akuzuar dhe ndaluar është Nake Georgiev, i cili thuhet se ka marrë dhjetë mijë euro ryshfet nga një person dhe se policia i ka gjetur menjëherë paratë tek gjykatësi.

Personi i dytë, sipas medias në Shkup, është Ixhet Mehmeti, anëtar i Këshillit të Prokurorëve Publikë. Këta të dy kërkonin para kundrejt premtimeve për t’ia lehtësuar gjendjen ish-kryetarit të komunës së Novo Sellës, Boro Stojçev i ndodhur në paraburgim, nën akuzat për kontrabandë me drogë. Djali i këtij të fundit e ka denoncuar në polici kërkesën e gjykatësit për ryshfet.

Policia maqedonase e ndaloi të hënën në mbrëmje gjykatësin Georgiev në çastet e kryerjes së veprës penale, sipas një komunikate të autoriteve të rendit. Ndërkohë, Këshilli Gjyqësor në mesnatë e miratoi vendimin për t’ia hequr atij imunitetin e gjykatësit dhe për ta larguar nga detyra. Më pas janë bërë bastisje në ambientet e Gjykatës së Lartë dhe në shtëpinë dhe zyrën e të dyshuarit të dytë, i cili dyshohet se ka pasur ndikim në kërkesën e ryshfetit.

Prokuroria Themelore thekson se në bazë të dëshmive të mbledhura dhe kontrolleve të bëra ka argumente për të propozuar masën e paraburgimit për të dyshuarin e parë (Nake Georgiev), ndërkohë që për të dyshuarin e dytë (Ixhet Mehmeti) deri në këto çaste nuk ka bazë për t’i caktuar ndonjë lloj urdhri. Gjyqësori në Maqedoninë e Veriut ka besueshmërinë më të ulët të publikut dhe prej vitesh i dyshuar për një shkallë të lartë të korrupsionit.

Gjithmonë gjatë fushatave zgjedhore partitë politike flasin për luftën e pakompromis kundër korrupsionit, por rrallë ndodh që ndonjë gjykatës apo prokuror të dalë para gjyqit nën akuzat për korrupsion apo vepra të tjera penale. /VOA

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46