Ndalohet përdorimi i targave të vjetra serbe

Paralajmërimi i autoriteteve të Kosovës dhe atyre të misionit evropian EULEX, se nuk do të lejojnë qarkullimin e automjeteve me targa të vjetra serbe, ka nxitur reagim të Beogradit zyrtar.
Udhëheqësi i delegacionit serb në bisedimet me Kosovën, Borislav Stefanoviq, ka thënë se Prishtina duhet t`i ndërpresë përpjekjet për t`ua imponuar qytetarëve targat dhe dokumentet personale të Kosovës. Stefanioviqi ka paralajmëruar se do të bisedojë me ndërmjetësuesin evropian në bisedime, Robert Cooper. Sipas tij, kjo çështje paraqet abuzim ndaj serbëve të Kosovës. Ndërkaq, nga 1 qershori, të gjithë qytetarët serb të Kosovës, që kanë përdorur targa jugosllave dhe serbe, duhet të pajisen me tabela KS ose RKS, si dhe me letërnjoftimin dhe lejen për ngasje të Kosovës. 

/rg/shqiptarja.com/