Elsa Ulliri, Flora Hajredinaj dhe Besmir Stroka do të jenë tre gjyqtarët që do të gjykojnë kryebashkiakun Erion Veliaj, bashkëshorten e tij Ajola Xoxa, si dhe 10 të pandehurit e tjerë që nuk kërkuan gjykim të shkurtuar.

Dosja u nda në 2 fraksione në seancën e 27 prillit ku gjykata vendosi të pranojë kërkesën e 11 të pandehurve, mes tyre biznesmeni Elman Abule e ish deputetja e PS Klotilda Bushka, që kërkuan gjykim të shkurtuar.

Tashmë të njëjtat kërkesa të bëra nga mbrojtja e Veliajt që i janë rrëzuar nga trupa gjykuese Ëngjëllushe Tahiri, Rudina Palloj dhe Alma Kodraliu, nisur që nga zëvendësimi i masës së sigurisë ‘arrest me burg’, zhvillimi i seanca live e deri te hapja e të gjitha provave të përfshira në dosjen e Erion Veliajt, do t’i ribëhen 3shes së re të gjyqtarëve.

Këtë të fundit e ka denoncuar avokati mbrojtës Plarent Ndreca, i cili thotë se janë 35 fashikuj me prova digjitale (CD/USB), të cilat nuk janë hapur dhe nuk janë vlerësuar as nga gjykata e seancës paraprake.

Të pandehurit që vijojnë gjyqin pa gjykim të shkurtuar
Erion Veliaj
Gentian Sula
Meriman Palushi
Shkëlqim Fusha
Sokol Kryeziu
Linda Kazani
Erald Simixhiu
Ina Goxhaj
Valmir Xoxa
Flutura Xhani

 

Të pandehurit që do të gjykohen me gjykim të shkurtuar
Elman Abule- “Rametal” shpk;
Fatmir Bektashi- Kontakt shpk
Mirton Lika- Lani shpk
Frosina Bollo- OJF “Frobolous”
Klotilda Bushka

Lajmi në përditësim...

-------------------------------

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë