Ndarja nga jeta e Mjeshtrit të Madh, Kujtim Alija, Meta: Personalitet i shquar i muzikës shqiptare, humbja e tij lë pas shumë dhimbje

Presidenti Ilir Meta ka reaguar me një mesazh ngushëllimi, pas ndarjes nga jeta të Mjeshtrit të Madh Kujtim Alija, ndërsa thotë se humbja e tij, lë pas shumë dhimbje. Për Metën, Alija ishte personalitet i shquar i muzikës shqiptare, shembull i intelektualit dhe qytetar model i Shkodrës.

"I trishtë lajmi për ndarjen e parakohshme nga jeta të artistit të mirënjohur shkodran, Mjeshtrit të Madh Kujtim Alija, simbolit të Festivaleve të Këngës për Fëmijë.

LEXO EDHE:
Kalonin shqiptarë me dokumente false nga Hani i Hotit për në Amerikë e Kanada, në burg organizatori! 4 arrest shtëpie, mes tyre 2 policë

Personalitet i shquar i muzikës shqiptare, dirigjent virtuoz, edukator energjik dhe mësues i palodhur i shumë gjeneratave me vlerat e artit dhe kulturës kombëtare, zbulues i talenteve të rralla që do shkëlqenin në skenat vendase dhe botërore, shembull i intelektualit dhe qytetar model të Shkodrës, humbja e tij le pas shumë dhembje.

Ngushëllime familjes, komunitetit të dashur shkodran, artistëve dhe bashkëpunëtorëve të shumtë. Të prehet në paqen e merituar!", shkruan Meta.

 

Lajmi kryesor:

Humb betejën me sëmundjen, ndahet nga jeta dirigjenti dhe 'Mjeshtri i Madh' Kujtim Alija, simboli i festivaleve të këngës për fëmijë

TAG:
• Shkoder
• Ilir Meta
• gramoz ruçi
• festivali i femijeve
• kujtim alija