Ish-presidenti Ilir Meta ka dërguar mesazhe ngushëllimi për ndarjen nga jeta të ish-kryetarit të Kuvendit, Servet Pëllumbit. Meta vlerëson kontributet e tij politike dhe akademike, ndërsa shprehet se ka qenë kënaqësi të bashkëpunonte në periudhën e tranzicionit.

“Me hidhërim të thellë mësova mbrëmë vonë për ndarjen nga jeta të Prof. Servet Pëllumbit, një figurë e shquar në jetën politike dhe institucionale të vendit, me kontribute shumë të rëndësishme jo vetëm në jetën politike, por edhe akademike.

Për mua ka qenë kënaqësi të bashkëpunoja me të në një periudhë shumë të vështirë të tranzicionit të vendit.

Ngushëllimet më sinqerta për bashkëshorten e tij, djemtë dhe gjithë familjen Pëllumbi për ikjen nga jeta të njeriut të tyre të dashur, por edhe për të gjithë miqtë, bashkëpunëtorët dhe dashamirësit.

Të prehet në paqen e merituar!

I paharruar kujtimi i Prof. Servet Pëllumbit!”, shkruan Meta në rrjetet sociale.


Lajmi kryesor:

LIVE TV- U shua në moshën 89-vjeçare, mbahen homazhet për ish-kreun e Kuvendit, Servet Pëllumbi
P.J/Shqiptarja.com
  • Sondazhi i ditës: 5 Maj, 08:35

    Gjykata e Lartë frenon Prokuroritë dhe Gjykatat për arrestin me burg, si e vlerësoni?

Lajme të tjera