TIRANË-Sot i është dhënë lamtumira këngëtarit të mirënjohur Sherif Merdani, i cili u nda nga kjo jetë si pasojë e një sëmundje të rëndë një ditë më parë. Miq, familjarë, dashmirës e artistë, ishin të pranishëm për t’i dhënë lamtumirën e fundit Sherif Merdanit, të cilët vlerësuan kontributin e tij në artin shqiptar.
Djali i artistit të ndjerë, foli i prekur për largimin nga jeta të babait të tij, ku tha se kurrë nuk do të zgjidhte një baba tjetër. Ai tha se ka mësuar shumë nga i ati i tij dhe se nuk e ka ndjerë kurrë diferencën në moshë mes tyre.
Dje ishte një ditë e trishtë për artin shqiptar. Sherif Merdani ndërroi jetë ditën e djeshme në moshën 81-vjeçari, pasi vuante nga një sëmundje e rëndë.
Sherif Merdani njihej si këngëtar i madh shqiptar i muzikës së lehtë shqipe, e ndërsa për të shënoi një pikë kthese festivali i 11-të i Këngës, i cili së bashku me disa kolegë të tij përfundoi në burg nga regjimi i asaj kohe, ku bëri 16 vite burg. Më pas, Merdani ka punuar edhe si diplomat në ambasadën shqiptare në Romë.
Pas ndarjes nga jeta të Sherif Merdanit kanë ardhur ngushëllime të shumta nga krerët më të lartë të politikës shqiptare.
Gerard Merdani, djali i këngëtarit Sherif Merdani, i cili u nda nga jeta një ditë më parë, thotë ai ka marrë shumë nga babai i tij dhe se nuk do të kishte zgjedhur kurrë një baba tjetër. Në një prononcim për mediat, ku po i jepet lamtumira artistit të madh, djali i tij vlerësoi figurën e të atit për kontributin që dha në artin shqiptar si dhe mësimet që ka përftuar nga ai.
“Mund të ta përkufizoj me një fjali. S’do kisha zgjedhur kurrë baba tjetër. Se kam ndjerë diferencën e madhe të moshës mes nesh. Nuk e ka jetuar jetën si 70-80 vjeçar. Ato vite ia kishin borxh, Ishte vital, me dashuri, respekt për jetën. Babai më ka mësuar të mos hakmerrem, t’i dua njerëzit, por edhe mos t’i besoj kollaj njerëzve për atë që ka kaluar. Më ka mësuar vlerat e vërteta në jetë, e anës monetare e atë shpirtërore. Jam plot mësime nga babai im. Ai në fillim të daljes nga burgu se mendoi kurrë se jeta do i jepte dhe gati 32 vite jetë. Që do martohej dhe do ta bënte prapë Shqipërinë që të fliste për të dhe që do të arrinte në këtë moshë. Muajt e fundit nuk ishin të lehtë as për të dhe familjen tonë. Kalvari i madh i vuajtjeve që ka kapur, sëmundje e rëndë, mosha bashkë, s’kanë qenë të lehta. Preferojmë që ta mbajmë private. Mendoj se krijimtaria e tij më e bukur ka qenë pas burgut, me perlën me Luan Zhegun “Se kënduam Let it Be’ dhe ‘Sinfonia e nënës’”, tha ai.
Lajme të tjera
-
Së shpejti baba, Ermal Meta zbulon emrin e vogëlushes
13 Maj, 11:34 -
Maya AIiçkaj: Kur erdhi në jetë im bir, ishte si gëzim në mes të dhimbjes’
7 Maj, 12:20 -
Ermal Meta do të bëhet baba për herë të parë
24 Prill, 14:57 -
VIDEO/ Selaniku 'qan' për Vassilis Karras! Këndojnë gjithë natën këngët e tij
25 Dhjetor 2023, 12:00 -
VIDEO/ Momenti kur një këngëtar brazilian rrëzohet papritur dhe vdes në skenë
15 Dhjetor 2023, 09:26 -
VIDEO/ Maluma po performonte në skenë, fansi e qëllon me patericë
12 Shtator 2023, 12:17 -
FOTO/ Lajm i trishtë për Butrint Imerin, këngëtari njofton ndarjen nga jeta të njeriut të afërm
25 Korrik 2023, 16:48 -
Suedia i kërkon ta përfaqësojë vitin tjetër në Eurovizion, Albina Kelmendi: Jemi në bisedime
30 Maj 2023, 16:05 -
Tipike shqiptarësh! U pyet se sa para merr nëpër dasma, ja si përgjigjet Maestro
29 Maj 2023, 12:38 -
Pengu i reperit Stresi, realizimi i një film për jetën e tij, ja çfarë e pengon
23 Shkurt 2023, 10:05 -
MC Kresha dhe Lyrical Son sjellin bashkëpunimin e ri 'Jerëm'
16 Shkurt 2023, 19:31 -
Rrëfimi i Sherif Merdanit: Në shkurt të ’92-it, kur më ftuan në skenën e Sanremos, Pipo Baudo, refuzoi të tregonte historinë time
7 Shkurt 2023, 07:57
