POP 5

Lajmet më të lexuara të 5 minutave të fundit

Sociale

Ndër vendet më të pakta në Europë, në Shqipëri mbizotërojnë burrat

Sipas portalit më të madh të të dhënave, Our World in Data në Shqipëri përqindja e popullsisë femra ishte 49.52%, përkundrejt 51% që ishte në Bashkimin Europian.

Ndër vendet më të pakta në Europë, në Shqipëri mbizotërojnë burrat

Foto ilustruese

Ndonëse në Europë, përqindja e popullsisë femra është më e lartë, Shqipëria renditet nga vendet e pakta, së bashkë me shtetet nordike, ku përqindja e popullsisë së grave është më e ulët se ajo e burrave. Sipas portalit më të madh të të dhënave, Our World in Data në Shqipëri përqindja e popullsisë femra ishte 49.52%, përkundrejt 51% që ishte në Bashkimin Europian.

Edhe ndër vendet e rajonit, Shqipëria ka përqindjen më të ulët. Kështu, përqindja më e lartë është shënuar në Serbi, ku sipas të dhënave të portalit popullsia femra ishte 51.14%, në Bosnje dhe Hercegovinë, përqindja e popullsisë femra ishte 50.91%, pasuar nga Mali i Zi me 50.66%, dhe Maqedonia me 50.01%.

Ndërsa mesatarja botërore është 49.56%.

Përqindjen më të lartë të popullsisë femra e ka Letonia 54.07%, e ndjekur nga Rusia me 53.5%. Në përgjithësi vendet ish-Bashkimit Sovjetik mbajnë rekord për përqindjen më të lartë të popullsisë femra në botë.

Sikurse shikohet nga harta, përqindjen më të ulët të popullsisë femra e kanë vendet e Afrikës së Veriut, vendet e Lindjes së Mesme, ku rekordin e mban Arabia Saudite 42.93%. Kina dhe India ka gjithashtu përqindje të ulët të popullsisë femra.

Ekzistojnë tre arsye pse raporti gjinor i popullsisë ndryshon dhe rrallë është i barabartë:

Ndryshimet në normën e vdekshmërisë dhe jetëgjatësia për gratë dhe burrat. Mesatarisht, gratë jetojnë më shumë se burrat.

Raportet gjinore gjatë lindjes nuk janë të barabarta. Në të gjitha vendet, ka më shumë lindje të meshkujve sesa lindjet femra (shtrirja e së cilës ndryshon sipas vendit).

Migracioni mund të ndikojë gjithashtu në raportin gjinor të popullatës. Nëse në disa vende ka një sasi të konsiderueshme të punës së mbizotëruar nga meshkujt, gjithçka tjetër është e barabartë, ne do të presim që meshkujt të llogaritnin më shumë se gjysmën e popullsisë së përgjithshme./Monitor.al

Tabela me të dhëna

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46