POP 5

Lajmet më të lexuara të 5 minutave të fundit

Politikë

Ndërhyrja e policisë në protestën e dhunshme të Berishës në PD, zbulohet SMS-ja që Ervin Salianji i dërgoi Gledis Nanos

Zbulohet SMS-ja që i është dërguar drejtorit të Policisë së Shtetit, Gledis Nano për të ndërhyrë në protestën e dhunshme të ish-kryeministrit Sali Berisha në Partinë Demokratike dy ditë më parë.

Ndërhyrja e policisë në protestën e dhunshme të Berishës në PD, zbulohet SMS-ja që Ervin Salianji i dërgoi Gledis Nanos

Pamje nga protesta e 8 janarit në selinë e PD

Zbulohet SMS-ja që i është dërguar në numrin personal Drejtorit të Policisë së Shtetit, Gledis Nano, për të ndërhyrë në protestën e dhunshme të ish-kryeministrit Sali Berisha në Partinë Demokratike dy ditë më parë. Burime për Report Tv bëjnë me dije se Ervin Salianji i ka kërkuar Gledis Nanos që të ndërhyjnë pasi ish-kryeministri po rrezikonte jetën e demokratëve.

Ndër të tjera, në SMS-në që Salianji i ka dërguar Nanos, shprehej se me sulmet e godinës së selisë blu, po rrezikohej edhe jeta e drejtuesve të lartë të Partisë Demokratike.

“Sali Berisha po rrezikon jetën e dhjetëra demokratëve me aktet e dhunës së sotme! Me një akt të paprecedentë, mercenarët nën urdhrat e tij, po sulmojne godinën e Partisë Demokratike, duke vënë në rrezik real jetën e drejtuesve më të lartë të Partisë Demokratike në qendër dhe në rrethe, si dhe të dhjetëra demokratëve të tjerë. Gjakderdhja duhet ndalur nga institucionet ligjzbatuese! I bëjmë thirrje institucioneve të ndërhyjnë për të shmangur viktimat e dhunës së Sali Berishës mes demokratëve!”-shkruante Salianji në SMS-në e dërguar Gledis Nanos të shtunën e 8 janarit.

Ndërkohë, Report Tv mëson se ish-kryeministri Sali Berisha dhe kryetari i PD-së, Lulzim Basha do të merren në pyetje në lidhje me protestën e 8 janarit. Burime për Report Tv nga prokuroria konfirmojnë lajmin se do të thërrasin Berishën dhe Bashën si dëshmitarë. Burimet bëjnë me dije se thirrja e tyre do të bëhet në ditët në vijim. 

E shtuna ishte një ngjarje dramatike për Partinë Demokratike por edhe për imazhin e vendit. Mbështetës të ish-kryeministrit Sali Berisha sulmuan selinë e Partisë Demokratike. U desh ndërhyrja e policisë, që situata të vihej nën kontroll në pak minuta, pasi por rrezikohej seriozisht jeta e deputetëve që ndodheshin brenda selisë si dhe kreut të PD-së Lulzim Bashës. Nga ana tjetër Sali Berisha shkoi vetë dje në selinë e PD, ndërsa i cilësoi 'dhunuesit' si heronj duke shtuar ato ruajtën gjakftohtësinë dhe rrëzuan dyert e blinduara të 'Lul Bravës'.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shaqo: 10/01/2022 17:56

    Cfare? deshmitare? Sa turp.

    Përgjigju
  • Spiuni: 10/01/2022 17:14

    Mashtrim. Nuk eshte ky stili i te shkruarit te Salianit. E kemi pare kur i shkruante Grides se cfare stili ka. Kjo eshte dora e Edit. Ai ia shkruan edhe Bashes fjalimet. E di gjithe Shqiperia kete pune. Vetem ju se keni marre vesh.

    Përgjigju
    • Spihuni: 10/01/2022 19:50

      Qenke palla jarit o salibirishti spiun

    • Samiu: 10/01/2022 18:37

      Ha ha ha ha ... sa imagjinate te zhvilluar qe keni mor amani... Per tu patur zili ...

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu