Ngjarjet e fundit në Bjellorusi, janë kthyer në temë dite në mediat ndërkombëtare, por kanë marrë vëmendje edhe në Shqipëri për shkak se kryeministri Edi Rama, është njëherësh edhe Presidenti i radhës i OSBE-së (Organizata për Siguri dhe Bashkëpunim në Evropë). Pozita që mban i ka vënë mbi supe Edi Ramës një krizë të re, të cilën ai ka shprehur gatishmërinë publikisht por edhe më shkresë zyrtare, për ta ndërmjetësuar direkt në Minsk. Fill pas propozimit të Ramës për dialog në këtë shtet, të gjitha shtetet duke filluar nga SHBA me anë të Sekretarit amerikan të Shtetit, Mike Pompeo, BE (Gjermani, Francë) dhe të gjitha institucionet ndërkombëtëare si Këshilli i Europës, Komisioni Europian etj, pranuan propozimin e Ramës dhe i bënë thirrje Lukashenkos që ta pranojë këtë ofertë.
Mirëpo, ndërkohë që kryeministri Rama në cilësinë e kreut të OSBE-së, punonte me aleatët e mësipërm për mundësinë e zgjidhjes së krizës së rëndë në Minsk, në Tiranë, si gjithmonë në fakt, nisi lufta dhe sulmi politik. Siç vetëm në Tiranë dinë ta bëjnë, opozitarët politikanë dhe një pjesë mediatike që kullosin në tokat e tyre, nisën një sulm ndaj kryeministrit Rama, vetëm për faktin se pse ky i fundit arriti të marrë ‘OK’ nga SHBA, BE e të gjithë organizmat e tjerë ndërkombëtarë, për krizën në Bjellorusi. Po të ishte fjala për thjeshtë OSBE-në që do ndërmjetësonte, opozita nuk do i prishte pushimet për të nisur luftën politike, por fakti që Gjermania dhe ndërkombëtarët me radhë përmendin Edi Ramën si ndërmjetësues, i ka ngrirë gjakun Bashës, Berishës, Kryemadhit, Metës…
Nga ana tjetër, pas gabimit të parë që opozita dhe ‘politologët’ që e këshillojnë bënë me faktin që e sulmuan, e trashën gabimin e tyre me mënyrën se si e sulmuan dhe argumentat që përdorën. Opozita sulmon Edi Ramën se është po njëlloj autokrat si Lukashenko në Bjellorusi. Ky argument fëminor i përdorur pas gjithë mbështetjes që Edi Rama mori për këtë çështje, e bën opozitën të duket më së paku qesharake. Pyetjet e rastit (retorike në fakt) që i shtrohen opozitës janë: Si ka mundësi, që një Edi Ramë autokrat, të marrë ”OK’ nga Amerika në Gjermani e Francë, për të shkuar e ndërmjetësuar krizën e rëndë bjelloruse? Si ka mundësi, që SHBA, BE, që nuk njohën zgjedhjet në Bjellorusi, t’i jepkan mandat Edi Ramës autokrat, që të shkojë e të zgjidhë krizën atje? Dhe ajo që është më e rëndësishmja, sa mundësi ka që SHBA-BE, të mbështesin njëzëri propozimet e një autokrati?
Së treti, ajo që nuk ndryshon në gjithë këtë histori, është fakti se sa herë Shqipërisë i del emri për mirë në arenën ndërkombëtare, opozita është gjithmonë aty për ti hedhur baltë. E kjo ndoshta është edhe një nga arsyet pse është aty ku është.
Këto janë tre autogolat e opozitës, ku dalin kundër ndërkombëtarëvem, kundër Shqipërisë dhe promovues të punës së kundërshtarit të tyre. E kjo është fitorja e Ramës në ‘Bjellorusi’.
Nga ana tjetër, ngjan qesharake dhe ‘haram’ lekët ata këshilltarë që e këshillojnë opozitën që në kësi rastesh, ta sulmojnë Edi Ramën dhe Shqipërinë, pasi duke e sulmuar Ramën, vetëm sa i bëjnë reklamë e i japin vëmendje një punë të tij, e cila nuk ishte në plan të parë të vëmendjes publike, por tanimë është, ndërsa duke sulmuar e nxirë Shqipërinë, vetëm sa i ulin pikë vetes vazhdimisht. Gjithësesi, kjo është punë e zyrës së kryeopozitarëve që nuk dinë për çfarë paguajnë./ Lexo.al
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
Ndaj eshte opordhite
Përgjigju